‘ഒരേ ഒരു രാജാവിന്റെ തിരിച്ചുവരവ്, വിരോധികൾ പേടിയോടെ മാത്രം നോക്കി നിൽക്കും’; ആത്മവിശ്വാസത്തോടെ ഒരു മോഹൻലാൽ ആരാധകൻ

സിനിമാതാരങ്ങളുടെ ജീവിതത്തിൽ ആരാധകരുടെ പ്രാധാന്യം എടുത്തു പറയേണ്ട ഒന്നാണ്. അതുകൊണ്ടു തന്നെ ഓരോ സിനിമ റിലീസ് ആകുമ്പോഴും ഫാൻ ഫൈറ്റ് സർവ്വസാധാരണമാണ്. ചിലപ്പോൾ അത് അതിരു കടക്കാറുമുണ്ട്. എന്നാൽ, മോളിവുഡിന്റെ രാജാവ് എന്ന് മോഹൻലാലിനെ അല്ലാതെ വേറെ ഏത് താരത്തിനാണ് ആ പദവി ചേരുന്നതെന്ന് ചോദിക്കുകയാണ് ഒരു കടുത്ത മോഹൻലാൽ ആരാധകൻ. മുഹമ്മദ് ആഷിഖ് എന്ന ആരാധകനാണ് ഫേസ്ബുക്കിൽ ഈ പോസ്റ്റ് പങ്കുവെച്ചത്. 500ൽ അധികം ഫാൻസ് ഷോ വെക്കാൻ കെൽപ്പുള്ള ഏക താരം മോഹൻലാൽ ആണെന്നും കേരളത്തിൽ ഇത്രയേറെ വിരോധികൾ ഉള്ള ഒരു നടൻ ഇവിടെ ഇല്ലെന്നും ആഷിഖ് പറയുന്നു. ഇയാളുടെ തിരിച്ചു വരവ് വിരോധികൾ ഒന്നടങ്കം പേടിയോടെ മാത്രം നോക്കി നിൽക്കുമെന്ന് കുറിച്ചാണ് പോസ്റ്റ് അവസാനിക്കുന്നത്.

മോളിവുഡിന്റെ രാജാവ് എന്ന് മോഹൻലാലിനെ അല്ലാതെ വേറെ ഏത് താരത്തിനാണ് ആ പദവി ചേരുന്നതെന്ന് മുഹമ്മദ് ആഷിഖ് ചോദിക്കുന്നു. ഏത് നിമിഷവും കേരള FD തകർക്കാനും പുതിയതായി ഇടാനും കഴിവുള്ള താരമാണ് അദ്ദേഹം. കഴിഞ്ഞ ആറു വർഷമായി മോളിവുഡിന്റെ ഫൈനൽ റെക്കോർഡ് ഇന്നും ഈ താരത്തിന്റെ പേരിലാണ്. 500 ൽ അധികം ഫാൻസ് ഷോ വെക്കാൻ കെൽപ്പുള്ള ഏക താരമെന്നും അദ്ദേഹം കുറിച്ചു. ഇനിയാണ് ഒരു വലിയ ഘടകം വരുന്നത്. മറ്റു നടന്മാരെ പോലെയല്ല മോഹൻലാൽ എന്ന നടൻ, കാരണം മറ്റു നടന്മാരുടെ സിനിമ പരാജയമായാൽ അത് അവിടെ കഴിഞ്ഞു.

പക്ഷേ, ഒരു മോഹൻലാൽ സിനിമ പരാജയമായാൽ ഇവിടെ കേക്ക് മുറിക്കും, Cutout ൽ ചെരുപ്പ് മാലയിടും, പായസം വിളമ്പും, തിയറ്ററിലെ ഓരോ സീനും വരെ സോഷ്യൽ മീഡിയയിൽ ഓടി നടക്കും, പോസ്റ്റർ പബ്ലിക്ക് ആയി വലിച്ചു കീറി വീഡിയോ ഇടും. ഇങ്ങനെ ഒരു അനുഭവം അല്ലെങ്കിൽ വിരോധികൾ ഇങ്ങനെ ഒരു നടന്റെ പരാജയം ആഘോഷമാകുന്നത് കേരളത്തിൽ മോഹൻലാലിന് അല്ലാതെ മറ്റൊരു നടനും നേരിടേണ്ടി വന്നിട്ടില്ല എന്നുള്ളതാണ് സത്യമെന്നും പോസ്റ്റിൽ പറയുന്നു. അതായത് കേരളത്തിൽ ഇത്രയേറെ വിരോധികൾ ഉള്ള ഒരു നടൻ ഇവിടെ ഇല്ല. അത്രയും വിരോധികളെയും മറി കടന്നാണ് അയാൾ ഇവിടെ റെക്കോർഡ് ഇട്ട് മോളിവുഡിന്റെ രാജാവായി ഭരിക്കുന്നത് എന്ന് ഓർക്കണമെന്നും ഇയാളുടെ തിരിച്ചു വരവ് വിരോധികൾ ഒന്നടങ്കം പേടിയോടെ മാത്രം നോക്കി നിൽക്കുമെന്നും പറഞ്ഞാണ് കുറിപ്പ് അവസാനിക്കുന്നത്.