മോഹൻലാൽ – ജീത്തു ജോസഫ് കൂട്ടുകെട്ട് വീണ്ടും; അണിയറയിൽ ഒരുങ്ങുന്നത് ദൃശ്യം 3 ആണോ എന്ന് പ്രേക്ഷകർ

ദൃശ്യം, ദൃശ്യം 2, 12ത് മാൻ ,റാം എന്നീ ചിത്രങ്ങൾക്ക് ശേഷം മോഹൻലാൽ – ജീത്തു ജോസഫ് കൂട്ടുകെട്ട് വീണ്ടും ഒന്നിക്കുന്നു. സിനിമാപ്രേമികൾ ഏറെ സന്തോഷത്തോടെയാണ് ഈ വാർത്ത കേട്ടത്. ഇത്തവണ മോഹൻലാലും ജീത്തു ജോസഫും ഒന്നിക്കുമ്പോൾ അത് ദൃശ്യം 3 ആയിരിക്കുമോ എന്നാണ് പ്രേക്ഷകർക്ക് അറിയേണ്ടത്.

ആശിർവാദ് സിനിമാസ് നിർമ്മിക്കുന്ന മുപ്പത്തി മൂന്നാമത് ചിത്രം എന്ന ടൈറ്റിലോടെയാണ് പുതിയ ചിത്രത്തിന്റെ പ്രഖ്യാപനം. 33 എന്ന നമ്പർ കണ്ടതാണ് പ്രേക്ഷകർക്ക് ഇത് ദൃശ്യം 3 ആയിരിക്കുമോ എന്ന സംശയം ഉറപ്പിച്ചത്. നിർമാതാവായ ആൻറണി പെരുമ്പാവൂരാണ് പുതിയ ചിത്രത്തിൻ്റെ വിശേഷങ്ങൾ പങ്ക് വെച്ച് സോഷ്യൽ മീഡിയയിൽ കുറിച്ചത്.

പുതിയ ചിത്രത്തിൻ്റെ പേരോ ജോണറോ ഒന്നും തന്നെ വെളിപ്പെടുത്തിയിട്ടില്ല. ഓഗസ്റ്റ് മാസം ഷൂട്ടിംഗ് തുടങ്ങും. മോഹൻലാലിനെ നായകനാക്കി ജീത്തു ജോസഫ് ഒരുക്കുന്ന റാം എന്ന ചിത്രവും അണിയറയിൽ ഒരുങ്ങുന്നുണ്ട്.