മോഹൻലാൽ – പൃഥ്വിരാജ് ആരാധകർ കാത്തിരിക്കുന്ന പുതിയ ചിത്രമാണ് ‘ബ്രോഡാഡി’. പൃഥ്വിരാജ് സംവിധാനം ചെയ്യുന്നു എന്നതും മോഹൻലാൽ നായകനായി എത്തുന്നു എന്നതും മാത്രം മതി ആരാധകർക്ക് കാത്തിരിക്കാൻ. എന്നാൽ അത് മാത്രമല്ല, ചിത്രത്തിൽ മലയാളിപ്രേക്ഷകർ എന്നും ഇഷ്ടപ്പെടുന്ന താരങ്ങളുടെ നീണ്ട നിരയാണെന്നതും ബ്രോഡാഡിയുടെ പ്രത്യേകതയാണ്. ‘ബ്രോഡാഡി’യുടെ വരവിനായി കാത്തിരിക്കുന്നവർക്ക് ഒരു സന്തോഷവാർത്ത എത്തിയിരിക്കുകയാണ്. ഒടിടി പ്ലാറ്റ്ഫോമിൽ ആയിരിക്കും ബ്രോഡാഡിയുടെ പ്രദർശനം. ഡിസ്നിപ്ലസ് ഹോട്ട് സ്റ്റാറിൽ ആയിരിക്കും ‘ബ്രോഡാഡി’യുടെ പ്രീമിയർ. എഴുത്തുകാരനും ചലച്ചിത്ര നിരൂപകനുമായ ശ്രീധർ പിള്ളയുടെ ട്വീറ്റിലാണ് ഇക്കാര്യമുള്ളത്.
ലൂസിഫറിനു ശേഷം മോഹൻലാലിനെ നായകനാക്കി സംവിധാനം ചെയ്യുന്ന ചിത്രത്തിൽ പൃഥ്വിരാജും ഒരു പ്രധാന വേഷത്തിൽ എത്തുന്നുണ്ട്. കല്യാണി പ്രിയദർശൻ ആണ് നായിക. മോഹൻലാലിന്റെ നായികയായി മീനയാണ് എത്തുന്നത്. പൃഥ്വിരാജിന്റെ അമ്മയായ മല്ലിക സുകുമാരനും ഒരു പ്രധാന വേഷത്തിൽ ചിത്രത്തിൽ എത്തുന്നുണ്ട്. മോഹൻലാലിനെയും മല്ലിക സുകുമാരനെയും ഒരേ ഫ്രെയിമിൽ കണ്ട് സംവിധാനം ചെയ്യുന്നതിന്റെ സന്തോഷം പൃഥ്വിരാജ് തന്നെ നേരത്തെ സോഷ്യൽമീഡിയയിൽ പങ്കുവെച്ചിരുന്നു. ഹൈദരാബാദിൽ ആയിരുന്നു സിനിമയുടെ ചിത്രീകരണം.
ബ്രോഡാഡി രസകരമായ ഒരു കുടുംബചിത്രമാണെന്നാണ് പൃഥ്വിരാജ് പറഞ്ഞിരിക്കുന്നത്. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ചിത്രം നിർമിക്കുന്നു. ലാലു അലക്സ്, മുരളി ഗോപി, കനിഹ, സൗബിൻ ഷാഹിർ. കാവ്യ ഷെട്ടി തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ബിബിൻ, ശ്രീജിത്ത് എന്നിവരുടേതാണ് തിരക്കഥ. അഭിനന്ദന്‍ രാമാനുജമാണ് ഛായാഗ്രഹണം. സംഗീതം ദീപക് ദേവ്. എഡിറ്റിംഗ് അഖിലേഷ് മോഹന്‍. കലാസംവിധാനം ഗോകുല്‍ദാസ്. ഓഡിയോഗ്രഫി രാജാകൃഷ്‍ണന്‍ എം ആര്‍. ചീഫ് അസോസിയേറ്റ് ഡയറക്ടര്‍ വാവ. പ്രൊഡക്ഷന്‍ കണ്‍ട്രോളര്‍ സിദ്ധു പനയ്ക്കല്‍.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…