സിനിമാതിരക്കുകളിൽ നിന്ന് മാറി ആത്മീയതയുടെ വഴിയേ മോഹൻലാൽ. ആന്ധ്രാപ്രദേശിലെ ആശ്രമിത്തിലാണ് മോഹൻലാൽ എത്തിയത്. ആന്ധ്രയിലെ കുര്‍ണൂലില്‍ അവദൂത നാദാനന്ദയുടെ ആശ്രമത്തിലേക്കാണ് സിനിമാ തിരക്കുകൾ എല്ലാം മാറ്റിവെച്ച് മോഹന്‍ലാല്‍ എത്തിയത്. എഴുത്തുകാരന്‍ ആര്‍ രമാനന്ദും യാത്രയില്‍ മോഹന്‍ലാലിനൊപ്പം ഉണ്ടായിരുന്നു. ആശ്രമത്തിൽ നിന്നുള്ള മോഹൻലാലിന്റെ ചിത്രങ്ങൾ രമാനന്ദ് ആണ് സോഷ്യൽ മീഡിയയിൽ പങ്കുവെച്ചത്. മോഹൻലാൽ സ്വാമിയോട് സംസാരിക്കുന്നതും ആശ്രമം കാണുന്നതും സ്വാമിക്കും മറ്റുള്ളവർക്കും ഒപ്പം നിലത്തിരുന്ന് ഭക്ഷണം കഴിക്കുന്നതും ചിത്രങ്ങളിൽ കാണാം. കഴിഞ്ഞ വര്‍ഷം അസമിലെ പ്രശസ്തമായ കാമാഖ്യ ക്ഷേത്രം മോഹന്‍ലാല്‍ സന്ദര്‍ശിച്ചതും രമാനന്ദിനൊപ്പം ആയിരുന്നു.
അതേസമയം, വലിയ സിനിമകളാണ് മലയാളത്തിലും മറ്റ് ഭാഷകളിലുമായി മോഹൻലാലിന്റേതായി അണിയറയിൽ ഒരുങ്ങുന്നത്. നേര് എന്ന ചിത്രമാണ് മോഹൻലാലിന്റേതായി റിലീസിന് ഒരുങ്ങുന്ന ഏറ്റവും പുതിയ ചിത്രം. ജീത്തു ജോസഫ് സംവിധാനം ചെയ്യുന്ന ചിത്രം ഡിസംബറിലാണ് റിലീസ് ചെയ്യുന്നത്. സലാർ. ഡങ്കി എന്നീ വമ്പൻ ചിത്രങ്ങൾക്കൊപ്പം ക്ലാഷ് റിലീസ് ആയാണ് മോഹൻലാൽ – ജീത്തു ജോസഫ് ചിത്രത്തിന്റെ റിലീസ് പ്രഖ്യാപിച്ചിരിക്കുന്നത്. ജീത്തു ജോസഫ് – മോഹൻലാൽ കൂട്ടുകെട്ടിലെ അടുത്ത ഹിറ്റിനായി കാത്തിരിക്കുകയാണ് ആരാധകർ.
പ്രശസ്ത സംവിധായകൻ ലിജോ ജോസ് പെല്ലിശേരിക്ക് ഒപ്പമുള്ള ‘മലൈകോട്ടൈ വാലിബന്‍’ ആണ് മോഹൻലാലിന്റേതായി ഒരുങ്ങുന്ന മറ്റൊരു ചിത്രം. 2024 ജനുവരിയിലാണ് ചിത്രത്തിന്റെ റിലീസ്. കൂടാതെ പാന്‍ ഇന്ത്യന്‍ ചിത്രമായി ‘വൃഷഭ’ അണിയറയില്‍ ഒരുങ്ങുകയാണ്. ആദ്യ സംവിധാന സംരംഭമായ ‘ബറോസ്’ അടുത്ത വര്‍ഷം മാര്‍ച്ചില്‍ റിലീസ് ചെയ്യും. പൃഥ്വിരാജ് സംവിധാനം ചെയ്യുന്ന ‘എമ്പുരാന്‍’ എന്ന ചിത്രവും അണിയറയിൽ ഒരുങ്ങുന്നു.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…