രജനി ചിത്രത്തിന്റെ മോഷൻ പോസ്റ്റർ പുറത്ത് വിടാൻ ലാലേട്ടൻ;ദർബാർ മലയാളം പോസ്റ്റർ പുറത്ത് വിടുന്നത് ലാലേട്ടൻ

രജനീകാന്ത് നായകനാകുന്ന പുതിയ ചിത്രമാണ് ദർബാർ. രജനികാന്തിന്റെ 167 ആമത്തെ ചിത്രമായ ഇത് സംവിധാനം ചെയ്യുന്നത് സൂപ്പർഹിറ്റ് സംവിധായകൻ എ ആർ മുരുഗദോസ് ആണ്. ചിത്രത്തിൽ ഇരട്ട വേഷത്തിലായിരിക്കും രജനികാന്ത് പ്രത്യക്ഷപ്പെടുക.ചിത്രത്തിൽ
ട്രാന്‍സ്‌ജെന്‍ഡര്‍ നടി ജീവയും വേഷമിടുന്നു. വിജയ് സേതുപതി പ്രധാനവേഷത്തില്‍ എത്തിയ ധര്‍മദുരൈ എന്ന ചിത്രത്തില്‍ വേഷമിട്ട നടിയാണ് ജീവ.രജനിയും മുരുഗദോസും ആദ്യമായി ഒന്നിക്കുന്ന ചിത്രമാണിത്.ചിത്രത്തിന്റെ മോഷൻ പോസ്റ്റർ നാളെ അണിയറ പ്രവർത്തകർ പുറത്ത് വിടും.

നാളെ വൈകിട്ട് 5.30നാണ് പോസ്റ്റർ പുറത്ത് വിടുക.ചിത്രത്തിന്റെ മലയാളം പോസ്റ്റർ പുറത്ത് വിടുന്നത് മോഹൻലാൽ ആയിരിക്കുമെന്ന പ്രത്യേകത കൂടിയുണ്ട്.ഹിന്ദി പോസ്റ്റർ സൽമാൻ ഖാനും തമിഴ് ,തെലുങ്ക് പോസ്റ്റർ കമൽഹാസനും ആണ് പുറത്ത് വിടുക.

ആരാധകർക്ക് ആഘോഷിക്കാനുള്ള എല്ലാവകയും ഉറപ്പുനൽകുന്ന ഒരു ചിത്രമായിരിക്കും ദർബാർ എന്നാണ് ആരാധകർ പ്രതീക്ഷിക്കുന്നത്.ചിത്രത്തിൽ നയൻതാരയാണ് നായികയായി എത്തുന്നത്. അനിരുദ്ധ് സംഗീതം നിർവഹിക്കുമ്പോൾ സന്തോഷ് ശിവൻ ക്യാമറ ചലിപ്പിക്കുന്നു. ലൈക്ക പ്രൊഡക്ഷൻസാണ് ചിത്രം നിർമ്മിക്കുന്നത്.