മാമാങ്കം നിർമാതാവിനൊപ്പം മോഹൻലാൽ; ഇത് സ്വപ്നസാഫല്യമെന്ന് വേണു കുന്നപ്പിള്ളി

മമ്മൂക്കയെ നായകനാക്കി ഒരുങ്ങുന്ന ബിഗ് ബജറ്റ് സിനിമ മാമാങ്കത്തിന്റെ നിർമാതാവ് വേണു കുന്നപ്പിള്ളി വർഷങ്ങളുടെ കാത്തിരിപ്പുകൾ സഫലമായതിന്റെ സന്തോഷത്തിലാണ്. ലാലേട്ടനെ കാണുക എന്നത് വർഷങ്ങളായുള്ള ആഗ്രഹമായിരുന്നുവെന്നും ആ സ്വപ്‌നം നിറവേറിയെന്നും ലാലേട്ടനൊപ്പമുള്ള ചിത്രം പങ്ക് വെച്ച് അദ്ദേഹം ഫേസ്ബുക്കിൽ കുറിച്ചു.

“ഒരു സ്വപ്നസാഫല്യം.. വർഷങ്ങളായുള്ള ആഗ്രഹമായിരുന്നു ഈ സൂപ്പർതാരത്തെ നേരിൽ കാണുക എന്നത്.. ഒരു സാധാരണക്കാരനോട് പോലും ഇത്രയും ഭവ്യതയോടെ പെരുമാറിയപ്പോൾ അത്ഭുതം തോന്നി…you are great!…❤ u ലാലേട്ടാ🌹🌹🌹.”

മമ്മൂട്ടിയുടെ ബ്രഹ്മാണ്ഡചിത്രം മാമാങ്കത്തിനായുള്ള കാത്തിരിപ്പിലാണ് ആരാധകർ. മലയാള സിനിമാ ലോകത്തെ ആവേശത്തിലാഴ്ത്തികൊണ്ടാണ് ചിത്രത്തെ സംബന്ധിച്ച ഓരോ വാർത്തകളും പുറത്തു വരുന്നത്. ചിത്രം അതിന്റെ പോസ്റ്റ്‌ പ്രൊഡക്ഷൻ വർക്കുകളിൽ എത്തിയിരിക്കുകയാണ്. 2003 ൽ അമ്മക്കിളിക്കൂട് എന്ന ചിത്രത്തിലൂടെ സംവിധായകനായി അരങ്ങേറ്റം കുറിച്ച എം പത്മകുമാറാണ് ചിത്രം സംവിധാനം ചെയ്യുന്നത്. കനിഹ, അനു സിത്താര, പ്രാചി ദേശായി തുടങ്ങിയവരാണ് സിനിമയില്‍ നായികമാരായി എത്തുന്നത്.