‘മല ചൂണ്ടി വിറ്റിട്ടുള്ള നിന്റെ നേട്ടങ്ങള്, ഈ പുതിയ കാലത്തിങ്കൽ ചിരി കൊണ്ട് മറയ്ക്കാനാകില്ല കോരേ ” ഉഗ്രശോഭയോടെ ‘മുകൾപ്പരപ്പ്’ ടീസർ എത്തി

തിങ്കളാഴ്ച നിശ്ചയം എന്ന ചിത്രത്തിനു ശേഷം സുനിൽ സൂര്യയെ പ്രധാന കഥാപാത്രമായി എത്തുന്ന ചിത്രമായ മുകൾപരപ്പ് ടീസർ റിലീസ് ചെയ്തു. സിബി പടിയറ രചനയും സംവിധാനവും നിർവഹിക്കുന്ന ‘മുകൾപ്പരപ്പ് എന്ന ചിത്രത്തിന്റെ ടീസർ പ്രശസ്ത യുവനടൻ ധ്യാൻ ശ്രീനിവാസൻ ആണ് തന്റെ ഒഫീഷ്യൽ പേജിലൂടെ റിലീസ് ചെയ്തത്. അപർണ ജനാർദ്ദനൻ നായികയായി എത്തുന്ന ചിത്രം ഓഗസ്റ്റ് 11ന് തിയറ്ററുകളിലേക്ക് എത്തും.

ശിവദാസ് മട്ടന്നൂർ, ഉണ്ണിരാജ് ചെറുവത്തൂർ, മാമുക്കോയ, ഊർമിള ഉണ്ണി, ചന്ദ്രദാസൻ ലോകധർമ്മി, മജീദ്, ചിത്ര നായർ, ബിന്ദു കൃഷ്ണ, രജിത മധു, ജലജ റാണി, ലയ, ബീന കൊടക്കാട്, പ്രഭു രാജ്, ശ്രീഹരി, ജസ്റ്റിൻ മുണ്ടക്കൽ, ഹാഷിം ഇരിട്ടി, എന്നിവർക്കൊപ്പം ഒട്ടേറെ തെയ്യം കലാകാരൻമാരും ഈ ചിത്രത്തിൽ അഭിനയിക്കുന്നുണ്ട്. ജ്യോതിസ് വിഷന്റെ ബാനറിൽ നിർമ്മിക്കുന്ന ഈ ചിത്രത്തിൽ ജയപ്രകാശൻ കെ കെ സഹരചയിതാവും ഗാനരചയിതാവും കൂടിയാണ്.

ജോൺസ് പനയ്ക്കൽ, സിനു കെ. ഗോപാലകൃഷ്ണൻ സീതത്തോട്, ഷമൽ സ്വാമിദാസ്, ബിജോ മോഡിയിൽ കുമ്പളാംപൊയ്ക, ഹരിദാസ് പാച്ചേനി, മനോജ് സി.പി, ആദിത്യ പി.ഒ, അദ്വൈത് പി.ഒ, ലെജു നായർ നരിയാപുരം എന്നിവരാണ് ‘മുകൾപ്പരപ്പി’ന്റെ സഹ നിർമ്മാതാക്കൾ. ഛായാഗ്രഹണം – ഷിജി ജയദേവൻ,നിതിൻ കെ രാജ്,സംഗീതം – പ്രമോദ് സാരംഗ്, ജോജി തോമസ്, ഗാനരചന – ജെ പി തവറൂൽ, സിബി പടിയറ, എഡിറ്റർ- ലിൻസൺ റാഫേൽ, പശ്ചാത്തല സംഗീതം- അലൻ വർഗീസ്, ചീഫ് അസോസിയേറ്റ് ഡയറക്ടർ – ശ്രീകുമാർ വള്ളംകുളം,ഫിനാൻസ് കൺട്രോളർ – ടി പി ഗംഗാധരൻ, പ്രൊജക്റ്റ് മാനേജർ – ബെന്നി നെല്ലുവേലി, പ്രൊഡക്ഷൻ എക്സിക്യൂട്ടിവ്- പ്രവീൺ ശ്രീകണ്ഠപുരം. ഡിടിഎസ് മിക്സിംഗ്- ജുബിൻ രാജ്,പി ആർ ഒ-എ എസ് ദിനേശ്.