ഏറ്റവും ഇഷ്ടമില്ലാത്തത് വിമാനയാത്ര : കാരണം പറഞ്ഞ് നമിത പ്രമോദ്

സൂപ്പര്‍താരങ്ങളുടെ നായികയായി മലയാള സിനിമയില്‍ സജീവമായ നടിയാണ് നമിത പ്രമോദ്. മലയാളത്തില്‍ മാത്രമല്ല നടി തെന്നിന്ത്യയിലും ഇതിനോടകം അഭിനയിച്ചു കഴിഞ്ഞു. സോഷ്യല്‍ മീഡിയയില്‍ വളരെ സജീവമായ താരം തന്റെ സിനിമ വിശേഷങ്ങളെല്ലാം പങ്കുവയ്്ക്കാറുണ്ട്. മാസങ്ങള്‍ക്ക് മുന്‍പായിരുന്നു നമിതയും കുടുംബവും തങ്ങളുടെ പുതിയ വീട്ടിലേക്ക് താമസം മാറിയത്.

അഭിനയത്തോട് പാഷനാണെങ്കില്‍ ഏറ്റവും അധികം ഇഷ്ടപ്പെടുന്നത് യാത്രയോടാണ്. തന്റെ പ്രിയപ്പെട്ട യാത്രയെ കുറിച്ച് വെളിപ്പെടുത്തുകയാണ് താരം ഒരു അഭിമുഖത്തില്‍. നടിക്ക് ഒറ്റയ്ക്കുള്ള യാത്രകളെക്കാളും കൂടുതല്‍ എല്ലാവരും ഒരുമിച്ച് കുടുംബമൊത്തുള്ള യാത്രയോടാണ്.യാത്രയ്ക്ക് ഒരര്‍ഥവും ഓളവും സന്തോഷവുമൊക്കെയുണ്ടാവണമെങ്കില്‍ ആരെങ്കിലും കൂടെ വേണമെന്നാണ് നടി അഭിമുഖത്തില്‍പറയുന്നത്.

വിദേശ യാത്രകല്‍ നടത്തിയിട്ടുണ്ടെങ്കിലും ഇഷ്ടം രാജ്യത്തിനകത്തുള്ള മനോഹരമായ സ്ഥലങ്ങള്‍ സന്ദര്‍ശിക്കാനാണെന്നും അത്തരത്തില്‍ താന്‍ ചെറുപ്പം മുതല്‍ കാണാന്‍ ആഗ്രഹിച്ചിരുന്ന സ്ഥലമായിരുന്നു മണാലിയെന്നും താരം പറഞ്ഞു. റോഡ് മാര്‍ഗ്ഗം ഒരിക്കല്‍ താരം മണാലിയില്‍് പോയിട്ടുമുണ്ട്.  ഡല്‍ഹില്‍ നിന്ന് ഒരു ട്രാവലറിലായിരുന്നു മണാലിയേക്ക് യാത്ര പോയത്. വിമാനയാത്ര തനിക്ക് അത്രയ്ക്ക് താത്പര്യമില്ലെന്നും 12-13 മണിക്കൂര്‍ വിമാനയാത്ര ചെയ്യുന്നത് വളരെ ബുദ്ധിമുട്ടുള്ള കാര്യമാണെന്നും താരം പറയുന്നു. വിമാനത്തില്‍ കയറിയാല്‍ താന്‍ പെട്ടന്ന് ഉറങ്ങിപോകുമെന്നും നടി കൂട്ടിചേര്‍ത്തു.
യൂറോപ്പ് മുഴുവന്‍ ചുറ്റിക്കറങ്ങണമെന്നത് വലിയ ആഗ്രഹമെന്നും നമിത പറഞ്ഞു.