തീരത്ത് നിന്നുള്ള ചിത്രങ്ങൾ പങ്ക് വെച്ച് നവ്യ നായർ; ചുഴലിക്കാറ്റ് വരുന്നുണ്ട് ഓടിക്കോ എന്ന് ആരാധകർ..!

കേരളം ബുറേവി ചുഴലിക്കാറ്റിനെ നേരിടാനുള്ള ഒരുക്കത്തിലാണ്. അതിനിടയിൽ കടൽ തീരത്ത് നിന്നും നടി നവ്യ നായർ പങ്ക് വെച്ച ഫോട്ടോസ് ശ്രദ്ധ നേടുകയാണ്. വാക്കുകളല്ല.. ആന്തരികമായ ഐക്യമാണ് ആളുകളെ ആകർഷിക്കുന്നത് എന്നാണ് താരം ഫോട്ടോസ് പങ്ക് വെച്ച് കുറിച്ചത്. ചുഴലിക്കാറ്റ് വരുന്നുണ്ട് വേഗം വീട്ടിൽ പൊക്കോ എന്നാണ് ആരാധകരുടെ കമന്റ്.

യുവജനോത്സവ വേദിയില്‍ നിന്നും സിനിമയിലേക്കെത്തി താരമായി മാറിയ നവ്യ നായര്‍ പ്രേക്ഷകരുടെ പ്രിയപ്പെട്ട അഭിനേത്രികളിലൊരാളാണ്. സിനിമയില്‍ നിറഞ്ഞുനിന്നിരുന്ന താരം വിവാഹത്തോടെ ഇടവേളയെടുക്കുകയായിരുന്നു. സിനിമയില്‍ സജീവമല്ലെങ്കില്‍ക്കൂടിയും സോഷ്യല്‍ മീഡിയയിലൂടെ മികച്ച സ്വീകാര്യതയും പിന്തുണയുമാണ് താരത്തിന് ലഭിച്ചുകൊണ്ടിരിക്കുന്നത്. സോഷ്യല്‍ മീഡിയയില്‍ സജീവമായ താരത്തിന്റെ ചിത്രങ്ങളും വീഡിയോയുമൊക്കെ ക്ഷണനേരം കൊണ്ടാണ് വൈറലായി മാറുന്നത്.

ഇഷ്ടം എന്ന സൂപ്പർഹിറ്റ് ചിത്രത്തിലൂടെ അഭിനയരംഗത്തേക്ക് കടന്നുവന്ന നവ്യാ നായർക്ക് ഒരു നടിയെന്ന നിലയിൽ വലിയ അംഗീകാരങ്ങൾ ലഭിച്ചത് രഞ്ജിത്ത് രചിച്ച് സംവിധാനം ചെയ്ത നന്ദനം എന്ന ചിത്രത്തിലൂടെയാണ്. ആ ചിത്രത്തിലെ ബാലാമണി എന്ന കഥാപാത്രം നവ്യാ നായർക്ക് നേടിക്കൊടുത്ത പ്രശസ്തി വളരെ വലുതാണ്. വിവാഹത്തിനു ശേഷം അഭിനയ ജീവിതത്തിൽ നിന്നും വിട്ടുനിന്ന നവ്യാനായർ ഇപ്പോൾ നൃത്ത പരിപാടികളിലും ടെലിവിഷൻ പരിപാടികളിലും സജീവമാണ്.