വിഘ്‌നേഷ് ഓണം ആഘോഷിച്ചത് നയന്‍താരയുടെ കുടുംബത്തോടൊപ്പം ! വിവാഹഒരുക്കങ്ങളാണോ എന്ന് ആരാധകര്‍

തെന്നിന്ത്യയുടെ ലേഡി സൂപ്പര്‍ സ്റ്റാര്‍ ആയ നയന്‍ താരയുടെ ഓണാഘോഷം ആണ് സോഷ്യല്‍ മീഡിയ ഇപ്പോള്‍ ശ്രദ്ധേയമാകുന്നത്. ഇത്തവണത്തെ ഓണത്തിന് ഒരു പ്രത്യേകത കൂടിയുണ്ട്, ചെന്നൈയില്‍ നിന്നും ഓണാഘോഷത്തിനായി വിഗ്‌നേഷും കേരളത്തിലെത്തിയിട്ടുണ്ട.് നയന്‍താരയുടെ അമ്മയെ ചേര്‍ത്തു പിടിച്ചു കൊണ്ടുള്ള വിഘ്‌നേഷിന്റെ ചിത്രങ്ങളും സോഷ്യല്‍ മീഡിയ ശ്രദ്ധേയമാവുകയാണ്.

ചിത്രങ്ങള്‍ പുറത്തു വന്നതോടെ കൂടി ഇരുവരും വിവാഹം ഒരുക്കങ്ങളിലാണ് എന്നാണ് ആരാധകരുടെ സംശയം. അടുത്തിടെ വിഘ്‌നേഷ് ഒരു സ്വകാര്യ മാധ്യമത്തിന് നല്‍കിയ അഭിമുഖത്തില്‍ വിവാഹത്തെക്കുറിച്ച് സൂചിപ്പിച്ചിരുന്നു. പ്രൊഫഷനെ ഒരുപാട് സ്‌നേഹിക്കുന്നുണ്ട്. തങ്ങളുടെ ആ പ്രണയം അവസാനിക്കുമ്പോള്‍ മാത്രമാണ് വിവാഹത്തെ ക്കുറിച്ച് ചിന്തിക്കുന്നതെന്നും വിഘ്‌നേഷ് പറഞ്ഞിരുന്നു.

എന്നാല്‍ ആ പറഞ്ഞ കാര്യങ്ങളില്‍ നിന്നും വ്യത്യസ്തമായാണ് കാര്യങ്ങള്‍ ഇപ്പോള്‍ നടക്കുന്നതും. നയന്‍താരയുടെ കുടുംബത്തോടൊപ്പമാണ് ഇത്തവണ വിഘ്‌നേഷ് ഓണം ആഘോഷിച്ചിരുന്നത്.സുന്ദരിയായാണ് നയന്‍താര ചിത്രങ്ങളില്‍ ഉള്ളത്. വളരെ ചുരുങ്ങിയ സമയം കൊണ്ടാണ് ചിത്രങ്ങള്‍ സോഷ്യല്‍ മീഡിയ ഏറ്റെടുത്തത്. നാനും റൗഡി താന്‍ എന്ന ചിത്രത്തിലൂടെയായിരുന്നു ഇരുവരും അടുത്തറിയുന്നത്. പിന്നീട് പരസ്പരം മനസ്സിലാക്കുകയും ചെയ്തു. പക്ഷെ വിവാഹം എപ്പോഴാണെന്ന് ഇതുവരെയും ഔദ്യോഗികമായി വെളിപ്പെടുത്തിയിട്ടില്ല.