soubin.actor
മലയാളികൾക്ക് ഒ ടി ടി പ്ലാറ്റ്ഫോമായ നെറ്റ് ഫ്ലിക്സ് ലോക്ക് ഡൗണ്‍ കാലത്താണ് ഏറെ പ്രിയപ്പെട്ടതായത്. ആസ്വാദകർ സിനിമകളും വെബ് സീരീസുകളും മാറി മാറി കണ്ട് ഒ ടി ടി പ്ലാറ്റ്ഫോമുകളായ ആമസോണ്‍ പ്രൈമിനെയും നെറ്റ്ഫ്ലിക്സിനെയും നെഞ്ചോട് ചേര്‍ത്തു. നിലവിൽ ഇപ്പോൾ ഇന്‍സ്റ്റഗ്രാമില്‍ നെറ്റ്ഫ്ലിക്സ് പങ്കുവച്ച ഒരു കമന്റാണ് ട്രോള്‍ ആയി മാറിയിരിക്കുന്നത്.
മലയാളത്തിൻെറ പ്രമുഖ നടൻ സൗബിന്‍ ഷാഹിറിന്റെ ഇന്‍സ്റ്റഗ്രാം പോസ്റ്റിന് താഴെയാണ് നെറ്റ് ഫ്ലിക്സ് ഇന്ത്യയുടെ കമന്റ് പ്രത്യക്ഷപ്പെട്ടത്. ‘ഇരുള്‍’ എന്ന പുതിയ ചിത്രത്തിന്റെ പ്രമോഷനുമായി ബന്ധപ്പെട്ട ഒരു വീഡിയോ ആണ് സൗബിന്‍ പങ്കു വച്ചിരിക്കുന്നത്. ഇന്‍സ്റ്റഗ്രാമില്‍ സൗബിന്‍ പങ്കുവച്ച വീഡിയോയ്ക്ക് താഴെയാണ് ‘ഫോണ്‍ എ ഫ്രണ്ട് ചെയ്യാമോ?’ എന്ന അപേക്ഷയുമായി നെറ്റ് ഫ്ലിക്സ് എത്തിയത്.ഏതായാലും നെറ്റ്ഫ്ലിക്സിന്റെ മലയാളത്തിലുള്ള കമന്റ് കണ്ട് കിളി പോയത് മലയാളികള്‍ക്കാണ്. ‘ഇയ്യോ ദേ മലയാളം’ എന്നായിരുന്നു ആദ്യത്തെ കമന്റ്. തൊട്ടു പിന്നാലെ ചറപറ കമന്റുകള്‍ വന്നു കൊണ്ടേയിരുന്നു. ‘അമ്പടാ, നീ മലയാളിയാണോ’ ‘നാട്ടില്‍ എവിടെയാ സ്ഥലം’ എന്നൊക്കെയുള്ള ചോദ്യങ്ങളുമായി നെറ്റ്ഫ്ലിക്സിന്റെ കമന്റിനെ ഏറ്റു പിടിക്കുകയാണ് മലയാളികളും.
ഫഹദ് ഫാസില്‍ ‘സീ യൂ സൂണ്‍’ എന്ന മനോഹര ചിത്രത്തിനു ശേഷം നായകനായി എത്തുന്ന ചിത്രമാണ് ‘ഇരുള്‍’. ഒരു കൊലപാതക പരമ്പരയുടെ ചുരുളുകള്‍ അഴിക്കുന്ന ചിത്രമാണ് ഇരുള്‍. നസീഫ് യൂസഫ് ഇസുദ്ദീന്‍ ആണ് ചിത്രത്തിന്റെ സംവിധായകന്‍. ആന്റോ ജോസഫ് ഫിലിം കമ്പനിയും പ്ലാന്‍ ജെ സ്റ്റുഡിയോയും ചേ‌ര്‍ന്നാണ് ചിത്രം നിര്‍മിക്കുന്നത്.ഫഹദിനെ കൂടാതെ സൗബിന്‍ ഷാഹിര്‍, ദര്‍ശന രാജേന്ദ്രന്‍ എന്നിവരും പ്രധാന വേഷത്തില്‍ എത്തുന്നുണ്ട്. നെറ്റ്ഫ്ലിക്സില്‍ ഏപ്രില്‍ രണ്ടിനാണ് ‘ഇരുള്‍’ റിലീസ് ചെയ്യുന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…