‘അതെന്താ സാറേ പെമ്പിള്ളാര് ഈ സമയത്ത് പുറത്തിറങ്ങാൻ പാടില്ലെന്ന് വല്ല റൂളുമുണ്ടോ?’ – ഇന്ദ്രജിത്തിന് വിറപ്പിച്ച് അന്ന ബെൻ, നൈറ്റ് ഡ്രൈവ് ട്രയിലർ പുറത്ത്

മലയാളത്തിലെ സൂപ്പർഹിറ്റ് സംവിധായകരിൽ ഒരാളായ വൈശാഖിന്റെ പുതിയ ചിത്രമാണ് നൈറ്റ് ഡ്രൈവ്. റോഷൻ മാത്യു, അന്ന ബെൻ എന്നിവർ നായകവേഷങ്ങളിൽ എത്തുന്ന ചിത്രമാണ് നൈറ്റ് ഡ്രൈവ്. മമ്മൂട്ടി, പൃഥ്വിരാജ് എന്നിവരെ നായകരാക്കി ഒരുക്കിയ പോക്കിരിരാജ ആയിരുന്നു വൈശാഖിന്റെ ആദ്യചിത്രം. പിന്നീട് മോഹൻലാലിനെ നായകനാക്കി സംവിധാനം ചെയ്ത പുലിമുരുകൻ വലിയ ഹിറ്റ് ആയിരുന്നു.

ഒരു ത്രില്ലർ ചിത്രത്തിന്റെ എല്ലാ ചേരുവകളോടും കൂടിയാണ് നൈറ്റ് ഡ്രൈവ് ഒരുങ്ങുന്നത്. ചിത്രത്തിന്റെ ട്രയിലർ ഇതിനകം ശ്രദ്ധിക്കപ്പെട്ടു കഴിഞ്ഞു. പൊലീസ് വേഷത്തിൽ ഇന്ദ്രജിത്ത് സുകുമാരൻ ചിത്രത്തിൽ എത്തുന്നു. സാറാസ് എന്ന ചിത്രത്തിനു ശേഷം അന്ന ബെന്നും കുരുതി എന്ന ചിത്രത്തിനു ശേഷവും റോഷൻ മാത്യുവിന്റെയും ചിത്രമാണ് നൈറ്റ് ഡ്രൈവ് എന്ന പ്രത്യേകതയുമുണ്ട്.

സീനിയേഴ്സ്, മല്ലു സിങ്, വിശുദ്ധൻ, കസിൻസ്, സൗണ്ട് തോമ, മധുര രാജ എന്നിവയാണ് വൈശാഖിന്റെ മറ്റു ചിത്രങ്ങൾ. പ്രിയ വേണു, നീതാ പിന്റോ എന്നിവരാണ് നൈറ്റ് ഡ്രൈവ് എന്ന ചിത്രം നിർമിച്ചിരിക്കുന്നത്. അഭിലാഷ് പിള്ളയാണ് ചിത്രത്തിന്റെ രചന. എം പദ്മകുമാർ ഒരുക്കുന്ന പത്താം വളവ്, തമിഴ് ചിത്രം കടാവർ എന്നിവ രചിച്ചിരിക്കുന്നതും അഭിലാഷ് പിള്ള ആണ്. ഛായാഗ്രഹണം – ഷാജി കുമാർ, എഡിറ്റിംഗ് – സുനിൽ എസ് പിള്ള, സംഗീതം – രഞ്ജിൻ രാജ്. ഒരു രാത്രി നടക്കുന്ന കഥയാണ് ഈ ചിത്രം പ്രേക്ഷകർക്ക് മുന്നിൽ അവതരിപ്പിക്കുന്നത്.