മലയാള സിനിമ ഇതുവരെ കാണാത്ത ഒരു വിസ്മയാവഹമായ പ്രോജക്ട് ആകും ശ്രീകുമാർ മേനോന്റെ ‘രണ്ടാമൂഴം’ ; ശ്രീകുമാർ മേനോന് പിന്തുണയുമായി ഒമർ ലുലു

ഒടിയനിലൂടെ പ്രേക്ഷകർക്ക് പരിചിതനായ സംവിധായകൻ വി ഏ ശ്രീകുമാർ. ലാലേട്ടനെ നായകനാക്കി എം ടി വാസുദേവൻ നായരുടെ തിരക്കഥയിൽ ശ്രീകുമാർ ഒരുക്കുന്ന രണ്ടാമൂഴം പ്രഖ്യാപിച്ചിരുന്നെങ്കിലും ആ സിനിമ ഇതുവരെയും എങ്ങും എത്തിയിട്ടില്ല. നിർമാതാക്കൾ മാറി മറിഞ്ഞും നിയമ നടപടികളിൽ പെട്ടും രണ്ടാമൂഴം അനിശ്ചിതത്വത്തിലാണ്. ഇന്നലെ ലാലേട്ടന്റെ ജന്മദിനത്തിൽ ശ്രീകുമാർ മേനോൻ നടത്തിയിരിക്കുന്ന ആശംസ രണ്ടാമൂഴത്തിന്റെ സൂചനകൾ വിളിച്ചോതുന്നതാണ്. ‘എന്റെ ഭീമന്.. സഫലമാകുന്ന ആ സ്വപ്നത്തിന് പിറന്നാൾ ആശംസകൾ’ എന്നാണ് ശ്രീകുമാർ മേനോൻ കുറിച്ചത്. എന്നാൽ ഒടിയൻ പ്രതീക്ഷിച്ച വിജയം കൈവരിക്കുവാൻ സാധിക്കാതെ വന്നതിനാൽ തന്നെ ഒട്ടു മിക്ക ആരാധകരും രണ്ടാമൂഴം വേണ്ടായെന്ന നിലപാടിൽ തന്നെയാണ്. അത് കമന്റുകളിൽ നിന്നും വ്യക്തവുമാണ്. എന്നാൽ ഈ ചിത്രം നടക്കുകയാണെങ്കിൽ ചരിത്രമാകുമെന്ന് തുറന്ന് പറയുകയാണ് സംവിധായൻ ഒമർ ലുലു. ഫേസ്ബുക്കിൽ കൂടിയായിരുന്നു അദ്ദേഹത്തിന്റെ പ്രതികരണം.

ഒമർ ലുലുവിന്റെ പോസ്റ്റ് :

പറഞ്ഞ് കേട്ട വിവരം വെച്ച് മലയാള സിനിമ ഞെട്ടാൻ പോകുന്ന ബഡ്ജറ്റും ടെക്‌നോളജിയും ക്രൂവുമാണ് ലാലേട്ടന്റെ ഭീമനായി V A Shrikumar ഏട്ടൻ ഒരുക്കുന്നത് എല്ലാം നല്ല രീതിയൽ പ്രതീക്ഷക്കൊത്ത്‌ നടന്നാൽ മലയാള സിനിമ ഇന്ന് വരേ കാണാത ഒരു വിസ്മയാവഹമായ ഒരു പ്രൊജക്റ്റായി മാറും പിന്നെ സിനിമ എന്ന് പറഞ്ഞാൽ ലാലേട്ടൻ പറഞ്ഞ പോലെ ഒരു മാജിക്കാണ് ആർക്കും പിടികിട്ടാത മാജിക് ഒരു കാണിപ്പയൂരിനും പ്രവചിക്കാൻ പറ്റാത്ത മാജിക് അതുകൊണ്ട് അദ്ദേഹത്തിന് അത്മവിശ്വാസം കൊടുക്കുക നല്ല ഒരു സിനിമയായി മാറട്ടെ ❤️