നവാഗതനായ തരുണ്‍ മൂര്‍ത്തി സംവിധാനം ചെയ്ത ഓപ്പറേഷന്‍ ജാവ പ്രേക്ഷക സ്വീകാര്യതക്കൊപ്പം ഏറെ നിരൂപക പ്രശംസയും സ്വന്തമാക്കി. ഫെബ്രുവരി രണ്ടാം വാരം ചിത്രം തിയേറ്ററുകളില്‍ എത്തിയെങ്കിലും കോവിഡ് വ്യാപനത്തെ തുടര്‍ന്ന് ഒടിടി റിലീസ് ചെയ്യുകയായിരുന്നു. പ്രതികൂല സാഹചര്യത്തിലും ഏറെ കളക്ഷന്‍ നേടിയതിനൊപ്പം സാമൂഹ്യ പ്രതിബദ്ധതയുള്ള ചിത്രമെന്ന വിശേഷണവും ഓപ്പറേഷന്‍ ജാവ സ്വന്തമാക്കി.
ഇര്‍ഷാദ് അലി, പ്രശാന്ത് അലക്സാണ്ടര്‍, ദീപക് വിജയന്‍,പി ബാലചന്ദ്രന്‍, ധന്യ അനന്യ, മമിത ബൈജു, മാത്യൂസ് തോമസ്, വിനായകന്‍, ഷൈന്‍ ടോം ചാക്കോ, ബിനു പപ്പു എന്നിങ്ങനെ വമ്പന്‍ താരനിരക്കൊപ്പം ലുക്ക്മാന്‍ ,ബാലു വര്‍ഗീസ് എന്നിവരാണ് ചിത്രത്തില്‍ പ്രധാന വേഷത്തിലെത്തിയത്.
അതേ സമയം ചിത്രത്തിലെ സംവിധായകന്റെ മികവിനൊപ്പം ചില പാളിച്ചകളും സോഷ്യല്‍ മീഡിയയിലിപ്പോള്‍ ചര്‍ച്ചയാവുകയാണ്. ഓപ്പറേഷന്‍ ജാവ ചിത്രത്തില്‍ ഏതാനും ചില സൈബര്‍ കുറ്റകൃത്യങ്ങളെയും ഒപ്പം പ്രേമം പൈറസി കേസിനെ കുറിച്ചും വിശദമായി സംസാരിക്കുന്നുണ്ട്. ഒരു തുടക്ക സീനില്‍ കഥയിലെ നായകന്മാരായ ഇരുവരും പോലീസിന് പ്രേമമെന്ന ചിത്രം എങ്ങനെ ഇന്റര്‍നെറ്റില്‍ അപ്ലോഡ് ആയി എന്നത് വിശദീകരിക്കുന്നുണ്ട്. ഒപ്പം അവര്‍ ഒരു വേഡ്പാടും അപ്ലോഡ് ആയി എന്നും വ്യക്തമാക്കുന്നുണ്ട്.
എന്നാല്‍ ഇതിന്റെ തുടര്‍ച്ചയായി സ്‌ക്രീനില്‍ കാണിക്കുന്ന വേര്‍ഡ്പാടിന്റെ പ്രോപ്പര്‍ട്ടീസ് എല്ലാം തന്നെ രൂപപ്പെട്ട ദിവസം പതിനേഴ് ജനുവരി രണ്ടായിരത്തി ഇരുപത് എന്നാണ്. എന്നാല്‍ കഥ നടക്കുന്നത് രണ്ടായിരത്തി പതിനഞ്ചിലാണെന്ന് മുന്‍പ് പല സീനിലും പറയുന്നുണ്ട്. അതിനാല്‍ തന്നെ ഇത് ചിത്രത്തില്‍ സംവിധായകന്റെ ഭാഗത്ത് നിന്നുണ്ടായ വലിയൊരു തെറ്റാണെന്നുമാണ് സോഷ്യല്‍ മീഡിയയിലെ പല ആരാധകരുടേയും അഭിപ്രായ പ്രകടനം.
കൂടാതെ നഴ്‌സിംഗ് തട്ടിപ്പ് കേസുമായി ബന്ധപ്പെട്ട് നടത്തുന്ന അന്വേഷണത്തില്‍ ഇരുവരും ഗൂഗിളില്‍ നിന്ന് ചില വളരെ പ്രധാന വിവരങ്ങള്‍ കണ്ടെത്തുന്നുണ്ട് . എന്നാല്‍ ഈ വീഡിയോകള്‍ എല്ലാം അപ്ലോഡ് ചെയ്തിരിക്കുന്ന ദിവസങ്ങളെല്ലാം രണ്ടായിരത്തി പതിനാറാണ് എന്നിരിക്കെ ചില ദിവസങ്ങളിലെ പിഴവുകള്‍ സിനിമയുടെ ഭംഗി കൂടി ഇല്ലാതാക്കി എന്നുമാണ് ആരാധകരുടെ വിമര്‍ശനം. .
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…