നെഗറ്റീവുകളെ കുറിച്ച് ചിന്തിക്കുന്നത് പോലുമില്ല; കിടിലൻ ഫോട്ടോഷൂട്ടുമായി ഓർഡിനറി നായിക ശ്രിത ശിവദാസ്

കുഞ്ചാക്കോ ബോബൻ നായകനായി എത്തിയ ഓർഡിനറി എന്ന ചിത്രത്തിലൂടെ നായികയായി അരങ്ങേറ്റം കുറിച്ച് അഭിനയ ജീവിതത്തിലേക്ക് കടന്നുവന്ന താരമാണ് ശ്രിത ശിവദാസ്. പാർവതി എന്നായിരുന്നു താരത്തിന്റെ യഥാർത്ഥ പേര്. ചിത്രം മികച്ച വിജയം നേടുകയും ആരാധകർ ഏറ്റെടുക്കുകയും ചെയ്തിരുന്നു. പിന്നീട് താരം പത്തോളം ചിത്രങ്ങളിൽ അഭിനയിച്ചു. താരം പുതുതായി ചില ചിത്രങ്ങൾ ഇപ്പോൾ സോഷ്യൽ മീഡിയ വഴി പങ്കു വെച്ചിരിക്കുകയാണ്. നെഗറ്റീവുകളെ കുറിച്ച് ചിന്തിക്കുന്നത് പോലുമില്ല എന്നാണ് ക്യാപ്ഷൻ.

ബിരുദത്തിനു ശേഷം ആണ് അഭിനയ ജീവിതത്തിലേക്ക് താരം കടന്നത്. അഭിനയ ജീവിതത്തിലേക്ക് എത്തുന്നതിനു മുൻപേ പല ചാനലുകളിലും താരം അവതാരികയായി എത്തിയിരുന്നു. 2014 ൽ ആയിരുന്നു താരത്തിന്റെ വിവാഹം. വിവാഹ ശേഷം താരം അഭിനയ ജീവിതത്തിലേക്ക് പിന്നീട് കടന്നു വന്നില്ല. 2016 ൽ ചില ചിത്രങ്ങളിൽ ചെറുതായി അഭിനയിച്ചുവെങ്കിലും ഏറെ പ്രശസ്തി നേടിയില്ല. പിന്നീട് രമ്യ നമ്പീശൻ സംവിധാനം ചെയ്ത അൺ ഹൈഡ് എന്ന ഹ്രസ്വ ചിത്രത്തിൽ കൂടി ആണ് വീണ്ടും മടങ്ങി എത്തിയത്. 2014 ൽ വിവാഹം കഴിച്ച താരം പിന്നീട് വിവാഹമോചനം നടത്തുകയുണ്ടായി. ദുൽഖർ സൽമാൻ നിർമിച്ച മണിയറയിലെ അശോകനിലൂടെ നടി അഭിനയ രംഗത്തേക്ക് തിരിച്ചെത്തിയിരിക്കുകയാണ്.