ആദിവാസികളുടെ അവകാശങ്ങളും അതിനുവേണ്ടിയുള്ള പോരാട്ടങ്ങളും പ്രമേയമാക്കി കമല് കെ. എം സംവിധാനം ചെയ്യുന്ന ‘പട’ എന്ന ചിത്രത്തിന് U/A സർട്ടിഫിക്കറ്റ്. കുഞ്ചാക്കോ ബോബന്, ജോജു ജോര്ജ്, വിനായകന്, ദിലീഷ് പോത്തന് എന്നിവരാണ് ചിത്രത്തിലെ കേന്ദ്രകഥാപാത്രങ്ങള്ളെ അവതരിപ്പിക്കുന്നത്. നായാട്ട്, ഭീമന്റെ വഴി എന്നീ ചിത്രങ്ങള്ക്ക് ശേഷം കുഞ്ചാക്കോ ബോബന്റെ വ്യത്യസ്ത കഥാപാത്രമാകും ചിത്രത്തിലേത്. മാർച്ച് പതിനൊന്നിനാണ് ചിത്രം തീയറ്ററുകളിൽ എത്തുന്നത്. കഴിഞ്ഞ ദിവസം പുറത്തിറങ്ങിയ ചിത്രത്തിന്റെ ട്രെയ്ലറിന് മികച്ച പ്രതികരണമാണ് ലഭിച്ചത്.
ഒരു വലിയ അനീതിക്കെതിരെയുള്ള കലാപമാണിതെന്ന് പറഞ്ഞാണ് ട്രെയിലര് ആരംഭിക്കുന്നത്. 1996-ല് അയ്യങ്കാളി പടയിലെ നാല് അംഗങ്ങള് അന്നത്തെ പാലക്കാട് ജില്ലാ കളക്ടര് ഡബ്ല്യു.ആര്. റെഡ്ഡിയെ വ്യാജ ആയുധങ്ങളുമായി ഒമ്പത് മണിക്കൂര് അദ്ദേഹത്തിന്റെ ചേംബറില് ബന്ദിയാക്കിയ യഥാര്ത്ഥ സംഭവത്തെ ആസ്പദമാക്കിയുള്ളതാണ് സിനിമ. 1996ല് കേരള നിയമസഭ പാസാക്കിയ ഗോത്രവര്ഗ ബില് പിന്വലിക്കണമെന്ന് ആവശ്യപ്പെട്ടായിരുന്നു പ്രതിഷേധം. യഥാര്ത്ഥ സംഭവങ്ങള് ആസ്പദമാക്കിയാണ് സിനിമയെന്ന് ട്രെയിലറില് പറയുന്നുണ്ട്.
കുഞ്ചാക്കോ ബോബനും, വിനായകനും ജോജുവിനും പുറമേ തമിഴ് നടന് പ്രകാശ് രാജ്, ഇന്ദ്രന്സ്, സലിം കുമാര്, ജഗദീഷ്, ടി.ജി.രവി, ഷൈന് ടോം ചാക്കോ, അര്ജുന് രാധാകൃഷ്ണന്, ഉണ്ണിമായ പ്രസാദ്, സാവിത്രി ശ്രീധരന്, കനി കുസൃതി തുടങ്ങി വലിയൊരു താരനിര തന്നെ ചിത്രത്തില് അണിനിരക്കുന്നുണ്ട്. ഇ ഫോര് എന്റര്ടെയ്ന്മെന്റ്, എ.വി.എ പ്രൊഡക്ഷന്സ് എന്നിവയുടെ ബാനറില് മുകേഷ് ആര്. മെഹ്ത, എ.വി. അനൂപ്, സി.വി.സാരഥി എന്നിവര് ചേര്ന്നാണ് ‘പട ‘ നിര്മ്മിക്കുന്നത്. സമീര് താഹിറാണ് ഛായാഗ്രഹണം, എഡിറ്റിംഗ് ഷാന് മുഹമ്മദും ശബ്ദ സംവിധാനം അജയന് അടാട്ടും നിര്വഹിച്ചിരിക്കുന്നു.
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…
യുവനടൻമാരായ ധ്യാൻ ശ്രീനിവാസൻ, പ്രണവ് മോഹൻലാൽ, നിവിൻ പോളി എന്നിവരെ നായകരാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക്…