മോഹൻലാലിനെ നായകനാക്കി ജീത്തു ജോസഫ് സംവിധാനം ചെയ്ത ചിത്രം നേര് തിയറ്ററുകളിൽ മികച്ച അഭിപ്രായം സ്വന്തമാക്കി പ്രദർശനം തുടരുകയാണ്. അമ്പതുകോടി ക്ലബിൽ എത്തിയ ചിത്രം കാണാൻ കേരളക്കര തിയറ്ററുകളിലേക്ക് ഒഴുകുകയാണ്. ഇതിനിടയിലാണ് കോട്ടയത്തെ സ്നേഹക്കൂട്ടിലെ പ്രായമായ അമ്മമാരും അച്ഛൻമാരും നേര് കാണാൻ തിയറ്ററിലേക്ക് എത്തിയത്. സ്നേഹക്കൂട് നടത്തിപ്പുക്കാരി നിഷമോൾ സോഷ്യൽ മീഡിയയിലൂടെയാണ് ഇക്കാര്യം പങ്കുവെച്ചത്. പ്രായമായ മാതാപിതാക്കൾ തിയറ്ററിലേക്ക് എത്തുന്നതിന്റെ ഫോട്ടോയും വിഡിയോയും പങ്കുവെച്ചാണ് നിഷ ഈ സന്തോഷവാർത്ത പങ്കുവെച്ചത്.
സിനിമ കാണാൻ എത്തിയവരിൽ ജീവിതത്തിൽ ആദ്യമായി തിയറ്ററിൽ എത്തിയവരും ഉണ്ടായിരുന്നു. ’82 വർഷം ഈ ഭൂമിയിൽ ജീവിച്ചിട്ടും തിയേറ്ററിൽ പോയി ഒരു സിനിമ പോലും കാണാത്ത പങ്കജം അമ്മയേയും, 75 വയസ്സായിട്ടും സ്നേഹക്കൂട്ടിലെത്തിയതിന് ശേഷം മാത്രം തീയേറ്ററിലെത്തി രണ്ടാമത്തെ സിനിമ കാണുന്ന ബാലനച്ഛനേയും പോലെയുള്ള നൂറോളം സ്നേഹക്കൂട്ടിലെ എൻ്റെ അച്ഛനമ്മമാരോടൊപ്പം നേര് സിനിമ കാണാനായി എത്തിയപ്പോൾ. നേര് സിനിമയിലെ പ്രധാന കഥാപാത്രമായ മൈക്കിളിനെ അവതരിപ്പിച്ച ശങ്കർ ഇന്ദുചൂടനൊപ്പം സിനിമയുടെ 50 കോടി വിജയാഘോഷത്തിൽ പങ്കെടുക്കാനും എൻ്റെ അച്ഛനമ്മമാർക്ക് ഭാഗ്യം കൂടി ഇതോടൊപ്പം ലഭിച്ചു. ഇതിന് അവസരമൊരുക്കിയ ലാലേട്ടൻ ഫാൻസ് കോട്ടയം ജില്ലാ കമ്മറ്റിയോടുള്ള സ്നേഹക്കൂട് കൂട്ടുകുടുംബത്തിൻ്റെ സ്നേഹവും കടപ്പാടും അറിയിക്കുന്നു.. ‘നേര് ‘ഇനിയും കൂടുതൽ വിജയം വരിക്കുവാൻ ആത്മാർത്ഥമായി സ്നേഹക്കൂട് കുടുംബം പ്രാർത്ഥിയ്ക്കുന്നു’. – നിഷ സോഷ്യൽ മീഡിയയിൽ കുറിച്ചു.
ഇവർക്കൊപ്പം സിനിമ കാണാൻ ചിത്രത്തിലെ പ്രധാന കഥാപാത്രമായ മൈക്കിളിനെ അവതരിപ്പിച്ച ശങ്കർ ഇന്ദുചൂഡനും എത്തിയിരുന്നു. സിനിമ കഴിഞ്ഞതിനു ശേഷം മാതാപിതാക്കൾക്കൊപ്പം കേക്ക് മുറിച്ച് സന്തോഷം പങ്കുവെച്ചതിനു ശേഷമാണ് ശങ്കർ മടങ്ങിയത്. സിനിമ വളരെ ഇഷ്ടപ്പെട്ടെന്ന് കണ്ടിറങ്ങിയ അമ്മമാർ പറഞ്ഞു. അഭിഭാഷകയും നടിയുമായ ശാന്തി മായാദേവിയും ജീത്തു ജോസഫും ചേർന്നാണ് ചിത്രത്തിന്റെ തിരക്കഥ ഒരുക്കിയത്. പതിമൂന്ന് വര്‍ഷങ്ങള്‍ക്ക് ശേഷം മോഹന്‍ലാല്‍ വക്കീല്‍ വേഷത്തില്‍ എത്തിയ ചിത്രമായിരുന്നു നേര്. സിദ്ദിഖ്, പ്രിയാമണി, ജഗദീഷ്, അനശ്വര രാജൻ, ശാന്തി മായാദേവി, ഗണേഷ് കുമാർ എന്നിവരാണ് ചിത്രത്തിൽ മറ്റ് പ്രധാനപ്പെട്ട കഥാപാത്രങ്ങളെ അവതരിപ്പിക്കുന്നത്. സതീഷ് കുറുപ്പ് ആണ് ചിത്രത്തിന്റെ ഛായാഗ്രഹണം. ‘നീതി തേടുന്നു’ എന്നാണ് ഈ മോഹന്‍ലാല്‍ ചിത്രത്തിന്റെ ടാഗ് ലൈന്‍. വിഷ്ണു ശ്യാം ആണ് ചിത്രത്തിന്റെ സംഗീതസംവിധാനം നിർവഹിച്ചത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…