പാറുക്കുട്ടി ഹാപ്പിയാണ്; ഉപ്പും മുളകിലെ പ്രിയതാരം പാറുകുട്ടിയുടെ വീട്ടിലേക്ക് ഒരു കുഞ്ഞുവാവ കൂടി വരുന്നു…

മിനിസ്ക്രീൻ പ്രേക്ഷകരുടെ പ്രിയപ്പെട്ട ടെലിവിഷൻ പ്രോഗ്രാമാണ് ഉപ്പും മുളകും. നാല് വർഷമായി സംപ്രേഷണം തുടരുന്ന പരിപാടിയുടെ ഏറ്റവും വലിയ ഹൈലൈറ്റുകളിൽ ഒന്ന് കുട്ടി താരമായ ‘പാറുക്കുട്ടി’ തന്നെ. ബേബി അമേയ എന്ന പാറുക്കുട്ടിക്ക് മിനിസ്ക്രീൻ പ്രേക്ഷകരുടെ ഇടയിലുള്ള ജനസമിതി മറ്റ് മുൻനിര താരങ്ങൾക്ക് പോലും സ്വപ്നം കാണാൻ സാധിക്കാത്തതാണ്. ഇപ്പോൾ രണ്ടര വയസ്സുള്ള പാറുക്കുട്ടിയുടെ വളർച്ച മുഴുവൻ പ്രേക്ഷകർ കണ്ടത് മിനി സ്ക്രീനിലൂടെയായിരുന്നു.

ഇപ്പോൾ പാറുക്കുട്ടിയെ സംബന്ധിച്ചും ഉപ്പും മുളകും ആരാധകരെ സംബന്ധിച്ചും ഏറെ സന്തോഷകരമായ വാർത്തയാണ് പുറത്ത് വരുന്നത്. പാറുക്കുട്ടി ഒരു ചേച്ചിയാകാൻ പോകുന്നു. പാറുവിന്റെ അമ്മയായ ഗംഗയ്ക്കും അച്ഛൻ അനിൽ കുമാറിനും മൂന്നാമത്തെ കുട്ടിയാണ് ജനിക്കാൻ പോകുന്നത്. പാറുവിന് ഒരു ചേച്ചിയാണ് ഇപ്പോൾ ഉള്ളത്.

പാറുക്കുട്ടിയുടെ വീട്ടിലേക്ക് കുഞ്ഞുവാവ വരുന്നതിന്റെ സന്തോഷത്തിലാണ് ഇപ്പോള്‍ എല്ലാവരും. അടുത്ത മാസത്തോടെ കുഞ്ഞ് പിറക്കുമെന്നാണ് അറിയുന്നത്. ഇതോടെ പാറുവിനെ ലൊക്കേഷനിലും മറ്റും എത്തിക്കാനുള്ള ബുദ്ധിമുട്ട് കൊണ്ട് കുടുംബം എറണാകുളത്തേക്ക് തമാസം മാറ്റാനുള്ള ആലോചനയിലാണ്. നിറവയറുമായി നില്‍ക്കുന്ന അമ്മയ്‌ക്കൊപ്പമുള്ള പാറുക്കുട്ടിയുടെ ചിത്രങ്ങളും പുറത്ത് വന്നിട്ടുണ്ട്.