ഇനിയും കസബ പോലെയുള്ള സിനിനകളെ എതിർക്കാൻ മടിയില്ല;മനസ്സ് തുറന്ന് പാർവതി

തൻറെ വ്യക്തിപരമായ നിലപാടുകൾ തുറന്നടിക്കുന്നതിൽ മുൻപന്തിയിൽ നിൽക്കുന്ന താരമാണ് പാർവ്വതി തിരുവോത്ത്. തെറ്റുതിരുത്തി മുന്നോട്ട് പോകുന്നതിനാല്‍ മറ്റുള്ളവരുടെ സിനിമകളിലെ അനീതികള്‍ തുറന്നു പറയുന്നത് തുടരുമെന്ന് പാർവതി ഇപ്പോൾ വ്യക്തമാക്കുകയാണ്. കസബ പോലുള്ള സിനിമയിലെ പ്രശ്‌നം വീണ്ടും ആവര്‍ത്തിക്കുന്നുണ്ടെന്നും അത് ചോദിക്കാനുള്ള അവകാശം തനിക്കിപ്പോഴുമുണ്ടെന്നും പൗരത്വ ഭേദഗതി നിയമവും, പൗരത്വ പട്ടികയും നടപ്പിലാക്കുന്നതില്‍ പ്രതിഷേധിച്ച് വംശഹത്യാ പ്രമേയമാക്കിയുള്ള സിനിമകള്‍ ഉള്‍കൊള്ളിച്ച് സംഘടിപ്പിച്ച പരിപാടിയിൽ താരം വ്യക്തമാക്കി. എല്ലാത്തരം സ്വത്വങ്ങളെയും ഉള്‍ക്കൊള്ളുന്നവര്‍ക്കേ ഫാസിസത്തിനെതിരെ പോരാടാനാകൂ എന്നും മലയാള സിനിമയിൽ ഇസ്‌ലാമോഫോബിയ ഉണ്ടെന്നും തന്‍റെ സിനിമകളിലെ ഇസ്ലാമോഫോബിയ തിരിച്ചറിയുന്നുവെന്നും അതിൽ ഖേഃദിക്കുന്നുവെന്നും പാർവതി വ്യക്തമാക്കി. രാച്ചിയമ്മ കഥാപാത്രവുമായി ബന്ധപ്പെട്ട് സമൂഹമാധ്യമങ്ങളിൽ ഉയരുന്ന പ്രതിഷേധങ്ങൾക്കും നടി മറുപടി നൽകുന്നുണ്ട്.

കറുത്ത രാച്ചിയമ്മയായി വേഷമിടുന്നത് അത് നോവലിലെ കഥാപാത്രമായതുകൊണ്ടാണ്. യഥാര്‍ഥ ജീവിതത്തിലെ സ്ത്രീയായിരുന്നു രാച്ചിമ്മയെങ്കിൽ ഈ സിനിമയിൽ അഭിനയിക്കില്ലായിരുന്നുവെന്നുമാണ് താരം പറയുന്നത്. ‘ഓ കേന്ദ്രസർക്കാരിനെതിരെ മാത്രമേ മിണ്ടുകയുള്ളൂെവല്ലേ. കേരളത്തിൽ എന്ത് സംഭവിച്ചാലും മൈന്റാക്കരുത് ‘ എന്നതരത്തിലുള്ള സന്ദേശങ്ങൾ മലയാളി വിദ്യാർഥികളിൽ നിന്നും ലഭിക്കാറുണ്ടെന്നും എല്ലാത്തിലും അസ്വസ്ഥമാകുന്നവരാണ് കേരളം പലകാര്യങ്ങളിലും മറ്റെല്ലാത്തിൽ നിന്നും വ്യത്യസ്തമാണെന്നും പാർവതി അഭിമുഖത്തിൽ വ്യക്തമാക്കി.