ആനന്ദം കൊണ്ട് കണ്ണ് നിറഞ്ഞ് സിജു വിൽസൺ; പ്രിവ്യൂ കണ്ടിറങ്ങിയതിന് പിന്നാലെ ഭാര്യയ്ക്ക് ലിപ്‌ലോക്ക്; പത്തൊമ്പതാം നൂറ്റാണ്ടിന് അഭിനന്ദനപ്രവാഹം, പ്രിയദർശൻ വിനയനെ കണ്ടുപഠിക്കണമെന്ന് സന്തോഷ് വർക്കി

സിനിമാപ്രേമികൾ ആവേശത്തോടെ കാത്തിരുന്ന ചിത്രമായിരുന്നു വിനയൻ സംവിധാനം ചെയ്ത ‘പത്തൊമ്പതാം നൂറ്റാണ്ട്’. തിരുവോണദിനത്തിൽ തിയറ്ററുകളിൽ എത്തിയ ചിത്രത്തിന് വമ്പൻ വരവേൽപ്പ് ആയിരുന്നു ലഭിച്ചത്. നടൻ സിജു വിൽസന്റെ അഭിനയ ജീവിതത്തിലെ തന്നെ വമ്പൻ വഴിത്തിരിവായി മാറിയിരിക്കുകയാണ് ചിത്രം. സിനിമ കണ്ടിറങ്ങിയ സിജു വിൽസന്റെ കണ്ണ് ആനന്ദം കൊണ്ട് നിറഞ്ഞിരുന്നു. ഭാര്യയ്ക്ക് ചുംബനം നൽകിയ സിജു മകളെ നെഞ്ചോടു ചേർത്തുപിടിച്ചു. സിനിമ കണ്ടിറങ്ങിയവർ ഓരോരുത്തരായി ഇറങ്ങിവന്ന് സിജു വിൽസണെ അഭിനന്ദിച്ചു.

‘ഈ സിനിമ എന്നിലേക്ക് എത്തിച്ചതിന് ഒരുപാട് സന്തോഷമുണ്ട്. ഈ സിനിമ എനിക്ക് എപ്പോഴും സൂക്ഷിച്ചു വെക്കാവുന്ന ഒരു സിനിമയായാണ് ഞാൻ കാണുന്നത്. രണ്ടു വർഷം ഈ സിനിമയ്ക്ക് വേണ്ടി ഞാൻ സ്പെൻഡ് ചെയ്തു. ഒരു റിയൽ ലൈഫ് കാരക്ടർ ആണ്. ഏത് സിനിമ ചെയ്യുകയാണെങ്കിലും ഒരു സമയത്ത് ഒരു സിനിമയേ ചെയ്യാറുള്ളൂ. സിനിമയോട് ഏറ്റവും നന്നായി നീതി പുലർത്തിയിട്ടുണ്ട്’ – സിനിമ കണ്ടിറങ്ങിയവർ സിജു വിൽസണെ തോളിലേറ്റി.

സംവിധായകൻ വിനയൻ തന്നെയാണ് ചിത്രത്തിന് തിരക്കഥയെഴുതിയിരിക്കുന്നത്. പത്തൊമ്പതാം നൂറ്റാണ്ടിന്റെ സഹ നിർമ്മാതാക്കൾ വി സി പ്രവീൺ, ബൈജു ​ഗോപാലൻ എന്നിവരാണ്. കൃഷ്ണമൂർത്തിയാണ് എക്സിക്യുട്ടീവ് പ്രൊഡ്യൂസർ. കയാദു ലോഹർ ആണ് നായിക. അനൂപ് മേനോൻ, ചെമ്പൻ വിനോദ്, സുദേവ് നായർ, ഗോകുലം ​ഗോപാലൻ, ടിനിടോം, ഇന്ദ്രൻസ്, രാഘവൻ, അലൻസിയർ, മുസ്തഫ, ജാഫർ ഇടുക്കി, ചാലിപാല, ശരൺ, ഡോക്ടർ ഷിനു, വിഷ്ണു ഗോവിന്ദ്, സ്ഫ്ടികം ജോർജ്, സുനിൽ സുഖദ, ജയൻ ചേർത്തല, ബൈജു എഴുപുന്ന, സുന്ദര പാണ്ഡ്യൻ എന്നിവരും ചിത്രത്തിലുണ്ട്. റഫീഖ് അഹമ്മദിന്റെ വരികൾക്ക് എം ജയചന്ദ്രൻ സം​ഗീതം പകർന്ന പത്തൊമ്പതാം നൂറ്റാണ്ടിന്റെ പശ്ചാത്തല സം​ഗീതം ഒരുക്കിയത് തമിഴിലെ പ്രമുഖ സം​ഗീതജ്ഞൻ സന്തോഷ് നാരായണനാണ്. ഷാജി കുമാർ ഛായാ​ഗ്രഹണവും വിവേക് ഹർഷൻ എഡിറ്റിങ്ങും നിർവഹിച്ചിരിക്കുന്നു. സുപ്രീം സുന്ദർ, രാജശേഖർ, മാഫിയ ശശി എന്നിവർ ഒരുക്കിയ സംഘടന രം​ഗങ്ങൾ സിനിമയുടെ പ്രത്യേകതയാണ്. പ്രൊജക്റ്റ് ഡിസൈനർ ബാദുഷ. അജയൻ ചാലിശ്ശേരി കലാ സംവിധാനവും പട്ടണം റഷീദ് മേക്കപ്പും നിർവഹിച്ചിരിക്കുന്നു. വസ്ത്രാലങ്കാരം ധന്യ ബാലകൃഷ്ണൻ. പ്രൊഡക്ഷൻ കണ്ട്രോളർ: രാജൻ ഫിലിപ്പ്. പിആർഒ ആന്റ് മാർക്കറ്റിം​ഗ് – കണ്ടന്റ് ഫാക്ടറി. അസോഷ്യേറ്റ് ഡയറക്ടർ – ഉബൈനി യൂസഫ്, അസിസ്റ്റന്റ് ഡയറക്ടർ – സംഗീത് വി.എസ്., അർജ്ജുൻ എസ് കുമാർ, മിഥുൻ ബാബു സഞ്ജയ്, അജയ് റാം, ശരത്ത് എം.എസ്., അളകനന്ദ ഉണ്ണിത്താൻ, പ്രൊഡക്‌ഷൻ മാനേജർ ജിസ്സൺ പോൾ, റാം മനോഹർ, പിആർഒ വാഴൂർ ജോസ്, എ.എസ്. ദിനേശ്.