വളക്കാപ്പ് ചടങ്ങിൽ അതിസുന്ദരിയായി പേളി, താരത്തിനെ അണിയിച്ചൊരുക്കിയത് രഞ്ജു രഞ്ജിമാർ

മലയാളികളുടെ പ്രിയപ്പെട്ട താര ജോഡിയാണ് പേളി മാണിയും ശ്രീനിഷും. ടെലിവിഷനിലൂടെ പ്രേക്ഷകരുടെ പ്രിയപ്പെട്ടവരായ പേളിയും ശ്രീനിഷും ബിഗ് ബോസിലൂടെയാണ് അടുക്കുന്നത്. ഷോ കഴിഞ്ഞതിന് പിന്നാലെ വിവാഹിതരാവുകയും ചെയ്തു. ആരാധകര്‍ ഏറെ ആഘോഷിച്ച പ്രണയജോഡിയുടെ ജീവിതത്തിലേക്ക് മൂന്നാമതൊരാള്‍ വരുന്ന വാർത്ത അറിയിച്ച് താരങ്ങൾ എത്തിയിരുന്നു.

പേളിയാണ് സന്തോഷവാർത്ത ആദ്യം ആരാധകരെ അറിയിച്ചത്. തന്റെ വയറു കാണിച്ചു കൊണ്ടുള്ള വീഡിയോ പങ്കുവച്ചു കൊണ്ടാണ് ഗര്‍ഭിണിയാണെന്ന വാര്‍ത്ത പേളി പുറത്തു വിട്ടത്. രണ്ട് വര്‍ഷം മുമ്പ് ഞങ്ങള്‍ പ്രൊപ്പോസ് ചെയ്തു. ഇന്ന് അവന്റെ ഒരംശം എന്നില്‍ വളരുന്നു എന്നായിരുന്നു പേളി സോഷ്യല്‍ മീഡിയയില്‍ കുറിച്ചത്.പിന്നാലെ തന്റെ ഗർഭകാല വിശേഷങ്ങൾ എല്ലാം പങ്കുവെച്ച് പേളി എത്താറുണ്ട്.

ഇപ്പോള്‍ പേളിയുടെ വളക്കാപ്പ് ചടങ്ങിന്റെ വിശേഷങ്ങളാണ് സോഷ്യല്‍ മീഡിയയില്‍ വൈറല്‍ ആകുന്നത്. ട്രാന്‍സ്‌ജെന്‍ഡര്‍ ആക്ടിവിസ്റ്റും മേക്കപ്പ് ആര്‍ട്ടിസ്റ്റുമായ രഞ്ജു രഞ്ജിമാരാണ് ചിത്രം പങ്കുവച്ചത്. ചടങ്ങില്‍ പേളിയുടെ മേക്കപ്പ് ചെയ്തത് രഞ്ജു ആണ്. സാരിയായിരുന്നു പേളിയുടെ വേഷം നിറയെ ആഭരണങ്ങള്‍ അണിഞ്ഞാണ് പേളിയെ ചിത്രത്തില്‍ കാണുന്നത്. മാമ്ബഴ മഞ്ഞ നിറത്തിലുള്ള സാരിയാണ് ചടങ്ങിനായി പേളി തിരഞ്ഞെടുത്തത്.

2019 മെയ് അഞ്ചിനായിരുന്നു പേളിയും ശ്രീനിഷും വിവാഹിതരാകുന്നത്. രണ്ടുപേരും ആരാധകരുടെ പ്രിയപ്പെട്ട താരജോഡിയാണ്. ടെലിവിഷന്‍ അവതാരകയായി ശ്രദ്ധ നേടിയ പേളി സിനിമയിലും അഭിനയിച്ചിട്ടുണ്ട്.