‘കുളിച്ചില്ലേ’ എന്ന് ചോദിച്ചു വരുന്നവർക്കുള്ള എന്റെ മറുപടി..! മറ്റേർണിറ്റി ഫോട്ടോഷൂട്ട് പങ്ക് വെച്ച് പേർളി മാണി

മലയാളികൾക്ക് സുപരിചിതയായ നടിയും മോഡലും അവതാരികയുമൊക്കയാണ് പേർളി മാണി. ബിഗ് ബോസ് എന്ന ഷോയിലൂടെ വന്ന് ശ്രീനിഷ് അരവിന്ദിനെ പ്രണയിച്ച് വിവാഹം കഴിച്ചപേളിയും ശ്രീനിയും അവരുടെ ആദ്യത്തെ കൺമണിയെ വരവേൽക്കുവാൻ ഒരുങ്ങുകയാണ്. ഓൺലൈൻ മാധ്യമങ്ങളും ആരാധകരും പേളിയുടെ പ്രെഗ്‌നൻസി ആഘോഷമാക്കിയിരിക്കുകയാണ്. അതിനിടയിലാണ് താരം പങ്ക് വെച്ചിരിക്കുന്ന ഫോട്ടോ ശ്രദ്ധേയമായിരിക്കുന്നത്. നിറവയറുമായി ബാത്ത്ടബിൽ കിടക്കുന്ന പേളിയുടെ ഫോട്ടോയാണ് ശ്രദ്ധ നേടുന്നത്.

കുളിച്ചില്ലേ എന്ന് ചോദിച്ച് എന്നോട് സംസാരിക്കുവാൻ വരുന്നവർക്കുള്ള മറുപടിയാണിത്. വെറുതെ തമാശക്ക് പറഞ്ഞതാട്ടോ.. ഈ ടീമിനൊപ്പം കുറേയധികം മനോഹരനിമിഷങ്ങൾ പങ്ക് വെക്കുവാൻ കഴിഞ്ഞു. ഷൂട്ടിന്റെ സമയത്തെല്ലാം എനിക്ക് ബുദ്ധിമുട്ട് ഒന്നും ഉണ്ടാകാതിരിക്കുവാൻ അവർ പ്രത്യേകം ശ്രദ്ധിച്ചു. കപ്പ് കേക്കുകളും പിസകളും എന്നെ അവർ തീറ്റിച്ചതിനാൽ ഞാൻ ഏറെ സന്തോഷവതിയാണ്. ഇപ്പോഴാണ് കോൺഫ്ലേക്ക്സിന്റെ അവസ്ഥ ഞാൻ മനസ്സിലാക്കുന്നത്.

ഗൃഹലക്ഷ്മി മാഗസിന് വേണ്ടി അരുൺ പയ്യടിമീത്തലാണ് ചിത്രം പകർത്തിയിരിക്കുന്നത്. അർജുൻ വാസുദേവാണ് സ്റ്റൈലിംഗ്. ഫെമി ആന്റണി മേക്കപ്പ് നിർവഹിച്ചിരിക്കുന്നു.