മോഹന്‍ലാല്‍ നായകനായി എത്തിയ ആറാട്ടിനെതിരെ ആസൂത്രിത നീക്കമെന്ന് സംവിധായകന്‍ ബി. ഉണ്ണികൃഷ്ണന്‍. എല്ലാ സിനിമകളും നേരിടുന്ന പ്രതിസന്ധിയാണിത്. ഇത് സിനിമാ മേഖലയെ ആകെ ദൂര വ്യാപകമായി ബാധിക്കും. സിനിമയെ വിമര്‍ശിക്കാന്‍ അവകാശമുള്ളവരാണ് പ്രേക്ഷകര്‍. എന്നാല്‍ ചിലര്‍ സിനിമ പോലും കാണാതെ വിമര്‍ശിക്കുന്നുവെന്നും ബി. ഉണ്ണികൃഷ്ണന്‍ മാധ്യമങ്ങളോട് പറഞ്ഞു.
ഒരു സിനിമ റിലീസ് ചെയ്യുമ്പോള്‍ പ്രേക്ഷകരാണ് രാജാക്കന്മാര്‍. തങ്ങള്‍ അവരുടെ വിധി കാത്തു നില്‍ക്കുന്ന പ്രജകളാണ്. പ്രേക്ഷകരുടെ അഭിപ്രായങ്ങളെ മാനിക്കുന്നു. എന്നാല്‍ സ്ഥിതി അതല്ല. സിനിമയ്‌ക്കെതിരെ ആസൂത്രിത നീക്കം നടക്കുന്നുണ്ട്. സിനിമ സ്‌ക്രീനില്‍ നിന്ന് ഷൂട്ട് ചെയ്ത് പ്രചരിപ്പിച്ചവരുണ്ട്. ഇതുമായി ബന്ധപ്പെട്ട് കോട്ടയ്ക്കല്‍ പൊലീസ് കേസെടുത്തിട്ടുണ്ടെന്നും ബി. ഉണ്ണികൃഷ്ണന്‍ ചൂണ്ടിക്കാട്ടി.
ആരാധകര്‍ തമ്മിലുള്ള യുദ്ധമാകാം. അതല്ല മറ്റെന്തെങ്കിലും കാരണമാകാം. പക്ഷേ ഒരു സിനിമയെ ഇകഴ്ത്തിക്കാണിക്കാന്‍ ശ്രമിക്കരുത്. അങ്ങനെ ചെയ്താല്‍ അത് സിനിമ മേഖലയെ ഒന്നാകെ ബാധിക്കുമെന്നും ഉണ്ണികൃഷ്ണന്‍ പറഞ്ഞു. അതേസമയം, പ്രേക്ഷകരില്‍ തങ്ങള്‍ക്കുള്ള വിശ്വാസം പാലിക്കപ്പെട്ടുവെന്നും ബി. ഉണ്ണികൃഷ്ണന്‍ പറഞ്ഞു. ഒന്നര വര്‍ഷത്തോളം കാത്തിരുന്ന ശേഷമാണ് ആറാട്ട് തീയറ്ററുകളില്‍ എത്തിയിരിക്കുന്നത്. നിറഞ്ഞ സദസില്‍ കാണേണ്ട സിനിമയായതുകൊണ്ടാണ് ഒന്നര വര്‍ഷം കാത്തിരുന്നത്. തീര്‍ത്തും എന്റര്‍ടെയ്‌നറാണ് ചിത്രം. സീരീയസായ ഒരു വിഷയവും ചിത്രം പങ്കുവയ്ക്കുന്നില്ല. ചിത്രം സ്വീകരിച്ച പ്രേക്ഷകര്‍ക്ക് നന്ദി പറയുന്നതായും ബി. ഉണ്ണികൃഷ്ണന്‍ കൂട്ടിച്ചേര്‍ത്തു.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…