ഇത് നേഴ്സുമാർക്കുള്ള ഞങ്ങളുടെ ആദരം !! വ്യത്യസ്തമായ പൂക്കളവുമായി മലയാള സിനിമയിലെ നായിക നടിമാർ

തിരുവോണത്തിന് ഇനി മൂന്ന് നാളുകൾ മാത്രമാണ് അവശേഷിക്കുന്നത്. മലയാളികൾ കൊറോണ വ്യാപനത്തിനോടൊപ്പം തന്നെ ഓണത്തെ വരവേൽക്കുകയാണ്. കേരളത്തിൽ ദിനംപ്രതി രോഗികളുടെ എണ്ണം കൂടി വരുന്നതിനാൽ ഉത്രാടപ്പാച്ചിൽ കഴിഞ്ഞവർഷത്തെതുപോലെ ഇത്തവണ ഉണ്ടാവില്ല. മലയാളികൾ എല്ലാവരും ഒരേ മനസോടെ കൊണ്ടാടുന്ന ഒരു ആഘോഷമായിരുന്നു ഓണം. അതിനാൽ തന്നെ സർക്കാർ ചില ഇളവുകൾ അറിയിച്ചിട്ടുണ്ട്. മാസ്ക് വെച്ച് സാമൂഹിക അകലം പാലിച്ച് ഏവർക്കും ഓണം ആഘോഷിക്കാം. എല്ലാവരും ഓണം ആഘോഷിക്കുമ്പോൾ യാതൊരു ആഘോഷവും ഇല്ലാതെ സ്വന്തം കുടുംബത്തെ പോലും ഉപേക്ഷിച്ച് നമുക്ക് വേണ്ടി ജോലി ചെയ്യുന്ന മാലാഖമാരായ നേഴ്സുമാരെ ഇപ്പോൾ സ്മരിക്കുകയാണ് മലയാള സിനിമയിലെ നടിമാർ.

മലയാളസിനിമയിലെ പല നടിമാരും ഇപ്പോൾ അത്തപ്പൂക്കളം ഉണ്ടാക്കി നഴ്സുമാർക്ക് വേണ്ടി സമർപ്പിച്ചിരിക്കുകയാണ്. നടിമാരായ നിഖില വിമൽ, നൈല ഉഷ, റീബ ജോൺ, മിർന, സിദ്ധി മഹാജൻകട്ടി തുടങ്ങിയവർ ഫോട്ടോസ് പോസ്റ്റ് ചെയ്തിട്ടുണ്ട്. പ്രമുഖ ഹെയർ ഓയിൽ കമ്പനിയായ പാരച്ചൂട്ട് അഡ്വാൻസിഡും ചേർന്നാണ് ഈ കാമ്പെയ്‌ൻ നടത്തുന്നത്. പൂക്കളം ഇടുന്നതിനോടൊപ്പം താങ്ക്യൂ നേഴ്സസ് എന്നതും പൂവ് കൊണ്ട് അവർ എഴുതിയിട്ടുണ്ട്. ഈ ഹാഷ്ടാഗോട് കൂടിയാണ് ചിത്രം പങ്കുവച്ചിരിക്കുന്നത്.