പൂർണിമയെ എടുത്തുയർത്തി നൃത്തമാടി ഇന്ദ്രജിത്ത്..! ഒപ്പം കേക്ക് മുറിക്കലും ഫോട്ടോ എടുക്കലും..! ആദ്യ വിവാഹ വാർഷികത്തിന്റെ ഓർമകളുമായി പൂർണിമ

മലയാളികൾ ഏറെ ഇഷ്ടപെടുന്ന താര കുടുംബമാണ് ഇന്ദ്രജിത്തിന്റെയും പൂർണിമയുടെയും. കുറച്ചു നാളത്തെ പ്രണയത്തിന് ശേഷം 2002 ലാണ് ഇരുവരും വിവാഹിതരാകുന്നത്. ടെലിവിഷൻ പരിപാടികളിൽ അവതാരികയായി പങ്കെടുക്കുന്നതിനോടൊപ്പം പൂർണിമ ഇന്ദ്രജിത്ത് ഒരു ഫാഷൻ ഡിസൈനർ കൂടിയാണ്. എത്ര തിരക്ക് പിടിച്ച ജീവിതം ആണെങ്കിലും തന്റെ വിശേഷങ്ങൾ ആരാധകരുമായി പങ്കുവയ്ക്കുവാൻ പൂർണിമ എപ്പോഴും ശ്രദ്ധിക്കാറുണ്ട്. ഇപ്പോൾ ഇൻസ്റ്റാഗ്രാം സ്റ്റോറിയായി പങ്കുവെച്ചിരിക്കുന്ന ചിത്രമാണ് സോഷ്യൽ മീഡിയയിൽ ചർച്ചാവിഷയമാകുന്നത്. ഇരുവരുടെയും ആദ്യ വിവാഹവാർഷികത്തിന്റെ ചിത്രങ്ങളാണ് പൂർണിമ പങ്ക് വെച്ചിരിക്കുന്നത്. ഇരുവരും ചേർന്ന് ഡാൻസ് കളിക്കുന്നതും കേക്ക് മുറിക്കുന്നതുമായ ചിത്രങ്ങളാണ് പ്രേക്ഷകർക്ക് മുന്നിലേക്ക് പൂർണിമ നൽകിയിരിക്കുന്നത്.

പടയണി എന്ന ചിത്രത്തിൽ ബാലതാരമായാണ് ഇന്ദ്രജിത്തിന്റെ തുടക്കം. ഊമപ്പെണ്ണിന്‌ ഉരിയാടാപ്പയ്യൻ എന്ന ചലച്ചിത്രത്തിലാണ് ഇന്ദ്രജിത്ത് പിന്നീട് അഭിനയിക്കുന്നത്. തുടർന്ന് 2002 ൽ ലാൽ ജോസ് സംവിധാനം ചെയ്ത മീശമാധവൻ എന്ന ചിത്രത്തിലെ ഈപ്പൻ പാപ്പച്ചി എന്ന വില്ലൻ കഥാപാത്രത്തെ അവതരിപ്പിച്ചുകൊണ്ട് ചലച്ചിത്ര ലോകത്ത് ശ്രദ്ധേയമായ തുടക്കം കുറിച്ചു. പിന്നീട് വൈവിധ്യമാർന്ന ധാരാളം വേഷങ്ങൾ ഇദ്ദേഹം അവതരിപ്പിച്ചു. സന്തോഷ് ശിവൻ സംവിധാനം ചെയ്ത ഹോളിവുഡ് ചിത്രമായ റോഡ് ടു ദി ടോപ്പിലും അഭിനയിച്ചു. അഭിനയജീവതത്തിലെ ഏറ്റവും നല്ല കഥാപാത്രമായിട്ടാണ് ലെഫ്റ്റ് റൈറ്റ് ലെഫ്റ്ലെ വട്ട് ജയനെ ഇന്ദ്രജിത്ത് കാണുന്നത്. ഒരു ഗായകൻകൂടിയാണ് ഇന്ദ്രജിത്ത്.