എന്റെ കുഞ്ഞുമക്കൽ എത്ര വേഗമാണ് വളരുന്നത്;പ്രാർഥനയുടെയും നക്ഷത്രയുടെയും പഴയ ചിത്രങ്ങൾ പങ്കുവെച്ച് പൂർണിമ

മലയാളി പ്രേക്ഷകരുടെ ഇഷ്ട താരജോഡികൾ ആണ് പൂർണിമയും ഇന്ദ്രജിത്തും. അഭിനയജീവിതത്തിലെ തിരക്കുകൾക്കിടയിലും സോഷ്യൽ മീഡിയയിലൂടെ തങ്ങളുടെ വിശേഷങ്ങൾ പങ്കുവയ്ക്കാൻ ഇരുവരും ശ്രദ്ധിക്കാറുണ്ട്. പൂർണിമയുടെ സഹോദരിയായ പ്രിയ മോഹന്റെയും നിഹാല്‍ പിള്ളയുടെയും എട്ടാമത്തെ വിവാഹ വാര്‍ഷികമായിരുന്നു കഴിഞ്ഞ ദിവസം. പ്രിയക്ക് സോഷ്യൽ മീഡിയയിലൂടെ വിവാഹ ആശംസകൾ നേരുകയാണ് പൂർണിമ ഇന്ദ്രജിത്ത്. തമിഴ് ശൈലിയിൽ വിവാഹം നടത്തിയ ഇരുവർക്കും പൂർണിമ വിവാഹ ആശംസകൾ നേർന്നത് തങ്കച്ചിക്കും തങ്കയിന്‍ കണവനും വിവാഹാശംസകൾ എന്ന് കുറിച്ചുകൊണ്ടാണ്.

വിവാഹ ചടങ്ങിലെ രസകരമായ മുഹൂർത്തങ്ങളുടെ ചിത്രങ്ങളും പൂർണിമ സോഷ്യൽ മീഡിയയിലൂടെ പങ്കുവെച്ചു. വിവാഹത്തിൽ ഇന്ദ്രജിത്തിനൊപ്പം ഉള്ള ചിത്രങ്ങളും മക്കളോടൊപ്പം ഉള്ള ചിത്രങ്ങളും പൂർണിമ പങ്കുവെച്ചിട്ടുണ്ട്. നക്ഷത്രയുടെയും പ്രാർത്ഥനയുടെയും ക്യൂട്ട് ചിത്രങ്ങളാണ് അതിലേറെയും. മക്കളുടെ ചിത്രങ്ങൾ പങ്കുവച്ചുകൊണ്ട് പൂർണിമ കുറിച്ചത് ഇങ്ങനെയാണ്. ‘എന്റെ കുഞ്ഞു മക്കളെ കണ്ടോളൂ. ഇപ്പോൾ അവർ കുഞ്ഞുങ്ങൾ അല്ല, ഇപ്പോൾ എന്റെ തോളിലെടുക്കുന്നതിനെക്കാൾ കൂടുതൽ അവരെ ഞാൻ എന്റെ ഹൃദയത്തിലാണ് കൊണ്ടു നടക്കുന്നത്.’–പൂർണിമ പോസ്റ്റ് ചെയ്തു