പ്രേക്ഷക പ്രിയ പരമ്പര വാനമ്പാടി അവസാനിക്കുന്നു; ഇനി നിങ്ങളെ മിസ് ചെയ്യുമെന്ന് താരം

മിനിസ്ക്രീൻ പ്രേക്ഷകരുടെ പ്രിയ പരമ്പരയായ ഏഷ്യാനെറ്റിലെ വാനമ്പാടി അവസാനിക്കുവാൻ പോവുകുകയാണ് എന്ന റിപ്പോർട്ടുകൾ നേരത്തെ വന്നിരുന്നു. ഇപ്പോൾ താരങ്ങൾ തന്നെ ഇത് സ്ഥിതീകരിച്ചിരിക്കുകയാണ്. എങ്ങനെയാണ് സീരിയൽ അവസാനിക്കുന്നത് എന്ന ആകാംക്ഷയിലാണ് പ്രേക്ഷകർ. ക്‌ളൈമാക്‌സിനു വേണ്ടി കാത്തിരിക്കുകയാണ് എല്ലാവരും. സീരിയലിലെ മോഹന്റെ അപകടവും അതിന് പിന്നിലെ കരുനീക്കങ്ങളെക്കുറിച്ചുമൊക്കെയുള്ള കാര്യങ്ങളാണ് ഇപ്പോള്‍ കാണിച്ചുകൊണ്ടിരിക്കുന്നത്.

അപകടത്തിന് പിന്നില്‍ പത്മിനിയുടെ മാതാപിതാക്കളുടെ പങ്കിനെക്കുറിച്ച് അനുമോളുള്‍പ്പടെയുള്ളവര്‍ മനസ്സിലാക്കി കഴിഞ്ഞിട്ടുണ്ട്. എന്താണ് അടുത്തതായി സംഭവിക്കുന്നതെന്നാണ് പ്രേക്ഷകര്‍ക്ക് അറിയേണ്ടത്. വളരെ നിർണായക ഘട്ടത്തിൽ കൂടിയാണ് ഇപ്പോൾ പരമ്പര കടന്നു പോകുന്നത്. അതിനിടയിലാണ് പരമ്പര അവസാനിക്കുന്നു എന്ന വാർത്ത എത്തിയത്. സീരിയലിലെ നായക വേഷം ചെയ്യുന്ന സായ് കിരണ്‍ തന്റെ സോഷ്യൽ മീഡിയിൽ കൂടിയാണ് വിവരം പുറത്ത് വിട്ടിരിക്കുന്നത്. വീഡിയോയിൽ കൂടിയാണ് കിരൺ ഈ കാര്യം പറയുന്നത്.

താങ്ക് യൂ ടീം വാനമ്പാടി എന്നും ഞാന്‍ നിങ്ങളെ മിസ്സ് ചെയ്യുമെന്നുമായിരുന്നു സായ് കിരണ്‍ കുറിച്ചത്. കിരണിന്റെ പോസ്റ്റിനു താഴെ സുചിത്രയൂം എത്തിയിട്ടുണ്ട്, വാനമ്പാടിയിൽ മോഹന്റെ ഭാര്യ പത്മിനിയുടെ വേഷമാണ് സുചിത്ര ചെയ്യുന്നത്, ഇവരുടെ കെമിസ്ട്രി പ്രേക്ഷകർക്ക് വളരെ ഇഷ്ടമാണ്. ശ്രീമംഗലം കുടുംബത്തിലെ അംഗങ്ങളും അവരുടെ പ്രശ്‌നങ്ങളും സന്തോഷങ്ങളും സങ്കടവുമെല്ലാം പ്രേക്ഷകര്‍ ഏറ്റെടുത്തിട്ട് നാളേറെയായി. അതിനിടയിലാണ് സീരിയല്‍ അവസാനിക്കുകയാണെന്ന വിവരമെത്തിയത്. ഇപ്പോൾ എങ്ങനെയാണ് പരമ്പര അവസാനിക്കുവാൻ പോകുന്നത് എന്ന ആകാംക്ഷയിലാണ് എല്ലാവരും.