‘പ്രാവ്’ ഫസ്റ്റ് ലുക്ക് മമ്മൂട്ടി റിലീസ് ചെയ്തു; ദുൽഖറിന്റെ വേഫെറർ ഫിലിംസ് തിയറ്ററുകളിൽ എത്തിക്കുന്ന സിനിമയുടെ പോസ്റ്റർ റിലീസ് ചെയ്ത് താരം

യുവതാരങ്ങൾ പ്രധാന കഥാപാത്രങ്ങളായി എത്തുന്ന ‘പ്രാവ്’ സിനിമയുടെ ഫസ്റ്റ് ലുക്ക് പോസ്റ്റർ റിലീസ് ചെയ്ത് മമ്മൂട്ടി. സ്വാതന്ത്ര്യദിനത്തിലാണ് പ്രാവ് സിനിമയുടെ ഫസ്റ്റ് ലുക്ക് പോസ്റ്റർ മമ്മൂട്ടി റിലീസ് ചെയ്തത്. ദുൽഖർ സൽമാന്റെ ഉടമസ്ഥതയിലുള്ള വേഫെറർ ഫിലിംസ് ആണ് ചിത്രം തിയറ്ററുകളിൽ എത്തിക്കുന്നത്. കഥകളുടെ ഗന്ധർവ്വൻ പി പത്മരാജന്റെ ചെറുകഥയെ ആസ്പദമാക്കി നവാസ് അലി രചനയും സംവിധാനവും ചെയ്യുന്ന പുതിയ ചിത്രമാണ് പ്രാവ്.

സെറ്റ് സിനിമയുടെ ബാനറിൽ തകഴി രാജശേഖരനാണ് ചിത്രം നിർമിക്കുന്നത്. അമിത് ചക്കാലക്കൽ, സാബുമോൻ അബ്ദുസമദ്, മനോജ്.കെ.യു, ആദർശ് രാജ, അജയൻ തകഴി, യാമി സോന, നിഷാ സാരംഗ്, ഡിനി ഡാനിയൽ, ടീന സുനിൽ, ഗായത്രി നമ്പ്യാർ, അലീന എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന പ്രാവിന്റെ ചിത്രീകരണം നടന്നത് വിതുരയിലും പരിസര പ്രദേശങ്ങളിലുമാണ്.

ഛായാഗ്രഹണം – ആന്റണി ജോ, ഗാനരചന – ബി കെ ഹരിനാരായണൻ, സംഗീതം – ബിജിബാൽ, പ്രൊഡക്ഷൻ കൺട്രോളർ – ദീപക് പരമേശ്വരൻ, പ്രൊഡക്ഷൻ ഡിസൈനർ – അനീഷ് ഗോപാൽ, വസ്ത്രാലങ്കാരം – അരുൺ മനോഹർ, മേക്കപ്പ് – ജയൻ പൂങ്കുളം, എഡിറ്റിംഗ് – ജോവിൻ ജോൺ, ചീഫ് അസോസിയേറ്റ് ഡയറക്ടർ – ഉണ്ണി കെ ആർ, എക്സിക്യൂട്ടീവ് പ്രൊഡ്യൂസർ – മഞ്ജു രാജശേഖരൻ, പ്രൊഡക്ഷൻ എക്സിക്യൂട്ടീവ് – പ്രതീഷ് മാവേലിക്കര, സ്റ്റിൽസ് – ഫസലുൽ ഹഖ്, പി.ആർ.ഒ – പ്രതീഷ് ശേഖർ, ഡിസൈൻസ് – പനാഷേ, ഡിജിറ്റൽ മാർക്കറ്റിംഗ് – അനൂപ് സുന്ദരൻ.