നായകനുമായി കെമിസ്ട്രി പോരാത്തതിനെ തുടർന്ന് പ്രയാഗയെ തെലുങ്ക് ചിത്രത്തിൽ നിന്ന് മാറ്റിയതായി റിപ്പോർട്ട് !!

ഒരു മുറൈ വന്ത് പാര്‍ത്തയ എന്ന ചിത്രത്തിലൂടെ നായികയായി വെളളിത്തിരയിൽ ചുവട് വെച്ച് പിന്നീട് മലയാളികളുടെ മനസ്സിൽ ഇടം നേടിയ താരമാണ് പ്രയാഗ മാർട്ടിൻ. വിരലിലെണ്ണാവുന്ന ചിത്രങ്ങളിൽ മാത്രമേ താരം അഭിനയിച്ചിട്ടുള്ളുവെങ്കിലും ചെയ്ത വേഷങ്ങളെല്ലാം ഏറെ ശ്രദ്ധ നേടിയിരുന്നു. മലയാളത്തിലെ മുൻനിര നായകന്മാർക്കൊപ്പം അഭിനയിക്കാൻ ഭാഗ്യം ലഭിച്ച താരമാണ് പ്രയാഗ മാർട്ടിൻ. ഒരു പഴയ ബോംബ് കഥ എന്ന ചിത്രത്തിനുശേഷം പ്രയാഗയെ പിന്നീട് മലയാളി കാണുന്നത് ഷാജോൺ സംവിധാനം ചെയ്ത ബ്രദേഴ്സ് ഡേ എന്ന പൃഥ്വിരാജ് ചിത്രത്തിൽ ആണ്.

പതിനഞ്ചോളം ചിത്രങ്ങളിൽ പ്രയാഗ അഭിനയിച്ചിട്ടുണ്ട്. സോഷ്യൽ മീഡിയയിൽ വളരെ സജീവമായ ഒരു വ്യക്തിയാണ് പ്രയാഗ മാർട്ടിൻ. ബിബി3 എന്ന് താത്കാലികമായി പേര് നൽകിയ ചിത്രത്തിന്റെ ഷൂട്ടിങും കൊറോണയ്ക്ക് ശേഷം ആരംഭിച്ചിരുകയാണ്. എന്നാൽ ചിത്രത്തിൽ നായകനൊപ്പമുള്ള കെമിസ്ട്രി തീരെ പോരെന്നാണ് പ്രയാ​ഗക്കെതിരെയുള്ള പരാതി. തുടർന്ന് പ്രിയാഗയെ സിനിമയിൽ നിന്ന് പുറത്താക്കി എന്ന വാർത്തകൾ പുറത്തുവന്നിരുന്നു. തെലുങ്ക് മാധ്യമങ്ങളിലൂടെയാണ് ഈ വാർത്ത പുറത്തുവന്നത്. പ്രയാഗയ്ക്ക് പകരക്കാരിയെയും കണ്ടെത്തി. പ്രഗ്യ ജയ്‌സുവാൾ നന്ദമൂരി ബാലകൃഷ്ണയുടെ നായികയായെത്തും. ഷംന കാസിമും ബബി3 യിൽ എത്തുന്നു. ഇവരെ കൂടാതെ ചില മുൻനിര തെലുങ്ക് താരങ്ങളും കഥാപാത്രമാവുന്ന സിനിമയിൽ സംവിധായകന് വലിയ പ്രതീക്ഷ തന്നെയുണ്ട്. പ്രയാഗയുടെ അഭിനയം കണ്ട് ഇഷ്ടപ്പെട്ട ആളാണ് പ്രിയാഗയെ സിനിമയിലേക്ക് കാസ്റ്റ് ചെയ്തത് എന്ന് സംവിധായകൻ പറയുന്നു. എന്നാൽ പ്രായം വിനയാകും എന്ന് താൻ കരുതിയിരുന്നില്ല എന്നും സിനിമ പുറത്തുവന്നിരുന്നെങ്കിൽ താരത്തിന് നല്ലൊരു തുടക്കം ലഭിക്കുമായിരുന്നു എന്നും അദ്ദേഹം പറയുന്നു.