ചുവപ്പിൽ തിളങ്ങി പ്രയാഗ മാർട്ടിൻ; നടിയുടെ വാലെന്റൈൻസ് ഡേ സ്‌പെഷ്യൽ ഫോട്ടോഷൂട്ട്

പ്രായത്തിന്റേയോ ഭാഷയുടെയോ അതിർവരമ്പുകൾ ഇല്ലാതെ ലോകമെമ്പാടുമുള്ളവർ നാളെ പ്രണയം ആഘോഷിക്കുന്ന വാലന്റൈൻസ് ഡേയ്ക്ക് വേണ്ടിയുള്ള ഒരുക്കത്തിലാണ്. ഏറ്റവും മനോഹരമായ ഈ ഒരു ദിവസത്തെ വരവേൽക്കുവാൻ ഒരുങ്ങി ചുവപ്പിൽ തിളങ്ങി എത്തിയ നടി പ്രയാഗ മാർട്ടിന്റെ ചിത്രങ്ങൾ സോഷ്യൽ മീഡിയയാകെ നിറയുകയാണ്. ചുവന്ന ഇൻഡോ – വെസ്റ്റേൺ കുർത്ത ധരിച്ചാണ് താരം എത്തിയിരിക്കുന്നത്. തിരമാല സദൃശ്യം കിടക്കുന്ന താരത്തിന്റെ മുടിയിഴകളും ആ അഴകിന് കൂടുതൽ മിഴിവേകുന്നു.

ബാലനടിയായി അരങ്ങേറ്റം കുറിച്ച പ്രയാഗിക്ക് കരിയർ തന്നെ മാറ്റിമറിച്ചത് മിസ്‌കിന്റെ സംവിധാനത്തിൽ ഒരുങ്ങിയ പിശാശ് എന്ന തമിഴ് ചിത്രമാണ്. ഉണ്ണി മുകുന്ദൻ നായകനായ ഒരു മുറൈ വന്ത് പാർത്തായ എന്ന ചിത്രത്തിലൂടെ മലയാളത്തിലും നായികയായിട്ടുള്ള അരങ്ങേറ്റം പ്രയാഗ കുറിച്ചു. കട്ടപ്പനയിലെ ഋത്വിക് റോഷൻ, രാമലീല തുടങ്ങിയ ചിത്രങ്ങളും ഏറെ ശ്രദ്ധിക്കപ്പെട്ടു. അടുത്തിടെ ഇറങ്ങിയ ബ്രദേഴ്‌സ് ഡേയിലെ പ്രകടനവും താരത്തിന് കൈയ്യടി വാങ്ങി കൊടുത്തു. കന്നഡയിലും പ്രയാഗ വരവറിയിച്ചു കഴിഞ്ഞു. ഉൾട്ടയാണ് അവസാനമായി പുറത്തിറങ്ങിയ പ്രയാഗയുടെ ചിത്രം. ഭൂമിയിലെ മനോഹര സ്വകാര്യം അടുത്തതായി തീയറ്ററുകളിൽ എത്തുന്ന ചിത്രം.