ലാലേട്ടന്റെ വീടാണ് ഇനി ഞങ്ങളുടെ ഓഫീസ്, ലൂസിഫറിന്റെ സമയത്തും ഇതായിരുന്നു ഓഫീസ്:പൃഥ്വിരാജ്

പ്രേക്ഷകർ ഒന്നടങ്കം കാത്തിരുന്ന ലൂസിഫർ 2- ന്റെ പ്രഖ്യാപനം ഇന്നലെ നടന്നു. ചിത്രത്തിന്റെ ജോലികൾ അടുത്ത വർഷം രണ്ടാം പകുതിയോട് കൂടി ആരംഭിക്കും. റിലീസ് ഡേറ്റ് ഇതുവരെ പ്രഖ്യാപിച്ചിട്ടില്ല. ലൊക്കേഷനുകളിലേക്ക് ഒരു വലിയ യൂണിറ്റുമായി സഞ്ചരിക്കേണ്ടിവരുന്നത് ഒരു വെല്ലുവിളിയാണെന്ന് പൃഥ്വിരാജ് അറിയിച്ചു. ലൂസിഫർ 2- ന്റെ ചിത്രീകരണത്തിന് മുൻപ് തീർക്കാനുള്ള കുറച്ചധികം പ്രോജക്ടുകൾ എല്ലാവർക്കും ഉണ്ടെന്നും അദ്ദേഹം അറിയിച്ചു. മോഹൻലാൽ സംവിധാനം ചെയ്യുന്ന ബറോസ് എന്നൊരു വലിയ പ്രോജക്ടിനോടൊപ്പം തന്നെ മുരളി തിരക്കഥയെഴുതി, രതീഷ് അമ്പാട്ട് സംവിധാനം ചെയ്ത് പൃഥ്വിരാജ് അഭിനയിക്കുന്ന ഒരു സിനിമയും തീര്‍ക്കാനുണ്ട്.

ലൂസിഫറിനേക്കാൾ വലിയ സിനിമയായിരിക്കും എമ്പുരാൻ എന്ന ഉറപും അദ്ദേഹം തരുന്നുണ്ട്. ലൂസിഫറിന്റെ സമയത്തും തന്റെ ഓഫീസ് ലാലേട്ടന്റെ വീടായിരുന്നു അത് ഇനിയും അങ്ങനെ തന്നെ ആയിരിക്കും എന്നാണ് താരം പറയുന്നത്. ചിത്രത്തിന്റെ പ്രധാന ലൊക്കേഷൻ കേരളമായിരിക്കും.ലൂസിഫറില്‍ ഒരു അതിഥി വേഷം പോലെ പ്രത്യക്ഷപ്പെട്ട സയിദ് മസൂദിനെപറ്റി ചോദിച്ചപ്പോൾ സയിദ് മസൂദ് ലൂസിഫറില്‍ കണ്ടതുപോലെ ഒരു ചെറിയ കഥാപാത്രമല്ലന്നും, സ്റ്റീഫന്റെയോ ഖുറേഷിയുടെയോ ജീവിതത്തിൽ ഇപ്പോള്‍ ഇത്രയുമേ പറയാനാവൂ എന്നുമായിരുന്നു അദ്ദേഹത്തിന്റെ മറുപടി. സാങ്കേതിക മേഖലകളില്‍ ലൂസിഫര്‍ ടീം തന്നെ ആയിരിക്കുമോ എന്ന കാര്യം തീരുമാനിച്ചിട്ടില്ലെന്നും താരം കൂട്ടിച്ചേര്‍ത്തു.