“എടാ,എനിക്കൊരു വില്ലൻ വേഷം ചെയ്യണമെടാ”; അന്ന് സുരാജ് പറഞ്ഞ വാക്കുകൾ ഓർത്തെടുത്ത് പൃഥ്വിരാജ്

യുവ സൂപ്പർ താരം പൃഥ്വിരാജ് സുകുമാരനും സുരാജ് വെഞ്ഞാറമൂടും കേന്ദ്ര കഥാപാത്രങ്ങളെ അവതരിപ്പിച്ച് ക്രിസ്മസ് റിലീസ് ആയി തിയേറ്ററുകളിലെത്തിയ ചിത്രമാണ് ഡ്രൈവിംഗ് ലൈസെൻസ്. ചിത്രം സംവിധാനം ചെയ്തത് ലാൽ ജൂനിയറും രചിച്ചത് സച്ചിയും ആണ്. ഈ ചിത്രം നിർമ്മിച്ചത് പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നീ ബാനറുകളിൽ പൃഥ്വിരാജ് സുകുമാരൻ, ലിസ്റ്റിൻ സ്റ്റീഫൻ എന്നിവർ ചേർന്നാണ്. ചിത്രം ഇപ്പോൾ ബ്ലോക്ക്ബസ്റ്റർ വിജയമാണ് നേടിയിരിക്കുന്നത്. 2019 ഡിസംബർ റിലീസ് ആയി എത്തിയ മലയാളം ചിത്രങ്ങളിൽ ബ്ലോക്ക്ബസ്റ്റർ വിജയം നേടിയ ഏക ചിത്രം കൂടിയായി ഡ്രൈവിംഗ് ലൈസൻസ് മാറിയിരിക്കുകയാണ്.സുരാജുമായി മുൻപ് അഭിനയിച്ച അനുഭവങ്ങളും ഒരു നടൻ എന്ന നിലയിൽ സുരാജിന് ഉണ്ടായിരുന്ന ആഗ്രഹങ്ങളും തുറന്ന് പറയുകയാണ് പൃഥ്വിരാജ് ഇപ്പോൾ.

താന്തോന്നി’യുടെ ഷൂട്ടിംഗ് ലൊക്കേഷനിലെ അനുഭവങ്ങളാണ് പൃഥ്വിരാജ് ഇപ്പോൾ പറയുന്നത് ”വര്‍ഷങ്ങള്‍ക്കു മുന്‍പ്, താന്തോന്നിയുടെ ഷൂട്ടിങ് സമയത്ത് സുരാജ് ചോദിച്ചു. ‘എടാ എനിക്കൊരു വില്ലന്‍ വേഷം ചെയ്യണം, അങ്ങനെ ഒരവസരം തരുമോ?’ അന്നു സുരാജ് മലയാളത്തിലെ തിരക്കേറിയ കൊമേഡിയനാണ്. അടിസ്ഥാനപരമായി ആ ആഗ്രഹത്തിന്റെ ശക്തിയാണു സുരാജിന്റെ മികച്ച പ്രകടനം” പൃഥ്വിരാജ് പറഞ്ഞു.

ഇതിനിടെ പൃഥ്വിരാജ് നായകനായ അടുത്ത ചിത്രം റിലീസിന് തയ്യാറെടുക്കുകയാണ്. ബിജു മേനോനോടൊപ്പം ഒരു ഇടവേളക്ക് ശേഷം പൃഥ്വിരാജ് വീണ്ടും ഒന്നിക്കുന്ന ചിത്രമാണ് അയ്യപ്പനും കോശിയും ആണ് അടുത്ത ചിത്രം. പൃഥ്വിരാജും ബിജുമേനോനും ഒന്നിച്ചഭിനയിച്ച അനാർക്കലി എന്ന ചിത്രത്തിലൂടെ പൃഥ്വിരാജിന് വലിയൊരു ഹിറ്റ് സമ്മാനിച്ച തിരക്കഥാകൃത്തും സംവിധായകനുമായ സച്ചിയാണ് ഈ ചിത്രം അണിയിച്ചൊരുക്കുന്നത്. അനാർക്കലി എന്ന ചിത്രത്തിലെ കൂട്ടുകെട്ട് വീണ്ടും ഒന്നിച്ചപ്പോൾ പ്രേക്ഷകർക്ക് ഏറെ ആകാംഷയാണ് ഉള്ളത്. ഗോൾഡ് കോയിൻ മോഷൻ പിക്ചർസിന്റെ ബാനറിൽ രഞ്ജിത്തും പി എം ശശിധരനും ചേർന്നാണ് ഈ ചിത്രം നിർമ്മിക്കുന്നത്.