ദൃശ്യത്തിന്റെ രണ്ടാംഭാഗം റിലീസ് ചെയ്യാന്‍ മണിക്കൂറുകള്‍ മാത്രം ബാക്കി നില്‍ക്കെ രസകരമായ കുറിപ്പ് പങ്കു വെച്ച് പ്രിഥ്വിരാജ്. ദൃശ്യം 2വിനായുള്ള കാത്തിരിപ്പിലാണ് താനെന്നും ജോര്‍ജുകുട്ടിക്ക് എന്താണ് സംഭവിക്കുകയെന്ന ആകാംക്ഷയുണ്ടെന്നും പ്രിഥിരാജ് ഫേസ്ബുക്കില്‍ കുറിച്ചു. ദൃശ്യത്തിനു ശേഷം ജീത്തു ജോസഫ് ഒരുക്കിയ മികച്ച ചിത്രമാണിതെന്നും പ്രിഥ്വിരാജ് പറഞ്ഞു.
കുറിപ്പിന്റെ പൂര്‍ണ രൂപം
ദൃശ്യത്തെക്കുറിച്ച് എന്തെങ്കിലും പറയണമെന്ന് ആലോചിക്കാന്‍ തുടങ്ങിയിട്ട് കുറെക്കാലമായി. ചിത്രത്തിന്റെ ആഗോള റിലീസിന് മണിക്കൂറുകള്‍ മാത്രം ബാക്കി നില്‍ക്കുന്നു. അതു കൊണ്ട് ഇനി കാത്തിരിക്കേണ്ട ആവശ്യമുണ്ടെന്നു തോന്നുന്നില്ല. ഒരു മികച്ച ചിത്രത്തിന്റെ രണ്ടാം ഭാഗം ഒരുക്കുകയെന്നത് വലിയ ഉത്തരവാദിത്തമാണ്. ദൃശ്യം പോലെ ഇന്‍ഡസ്ട്രിയെ തന്നെ മാറ്റി മറിച്ച ഒരു ചിത്രത്തിന്റെ രണ്ടാം ഭാഗം ഒരുക്കുമ്പോഴുണ്ടാകുന്ന മാനസിക സമ്മര്‍ദം വലുതാണ് (ഇപ്പോള്‍ അത് എനിക്കും അറിയാം). പക്ഷേ ജീത്തു എത്ര മനോഹരമായിട്ടാണ് ഇത് സൃഷ്ടിച്ചത്. 6 വര്‍ഷത്തിനു ശേഷം ജോര്‍ജുകുട്ടി എത്തുന്നത് എങ്ങനെയായിരിക്കും ? അദ്ദേഹത്തിന് എന്തു സംഭവിച്ചിരിക്കാം ? അദ്ദേഹം പിടിക്കപ്പെടുമോ ? നിയമത്തെ വീണ്ടും കബളിപ്പിക്കാന്‍ അദ്ദേഹത്തിനാകുമോ ? ഇതൊക്കെ നിങ്ങള്‍ക്ക് ഊഹിക്കാമെന്ന് കരുതുന്നുണ്ടെങ്കില്‍ അങ്ങനെ വിചാരിക്കരുത്. നിങ്ങള്‍ക്കായി വലിയൊരു അത്ഭുതം കാത്തിരിക്കുന്നു.
അതിമനോഹരമായി എഴുതപ്പെടുകയും ചിത്രീകരിക്കുകയും ചെയ്തിരിക്കുന്ന ചിത്രമാണ് ദൃശ്യം 2. ദൃശ്യത്തിനു ശേഷമുള്ള ജീത്തുവിന്റെ ഏറ്റവും മികച്ച ചിത്രം. ഈ സിനിമ കണ്ടതിനു ശേഷം അദ്ദേഹത്തെയാണ് ഞാന്‍ ആദ്യമായി വിളിച്ചതും. സഹോദരാ താങ്കളെയൊര്‍ത്ത് ഞാന്‍ സന്തോഷിക്കുന്നു. അദ്ദേഹത്തെ വിളിച്ചതിനു ശേഷം ഞാന്‍ എന്റെ അടുത്തുള്ള അപ്പാര്‍ട്ട്‌മെന്റില്‍ ഒരാളെ കാണാനായി പോയി. മറ്റാരെയുമല്ല മോഹന്‍ലാലിനെ. ഞാനിപ്പോള്‍ ഒരു കാര്യം മാത്രം പറയാം. ക്ലാസ് എന്നത് ശാശ്വതമാണ്. വീണ്ടും പറയുന്നു അത് ശാശ്വതമാണ്. മലയാളം സിനിമയിലെ തന്നെ ഏറ്റവും മികച്ച കഥാപാത്രങ്ങളിലൊന്നാണ് ജോര്‍ജുകുട്ടി. ചേട്ടാ താങ്കളെ വീണ്ടും സംവിധാനം ചെയ്യാന്‍ ഞാന്‍ കാത്തിരിക്കുന്നു ഒപ്പം താങ്കളുടെ സംവിധാനത്തില്‍ എത്താനും. (മുരളി ഗോപി എന്ന മികച്ച നടനും എത്തിയിരിക്കുന്നു. കുരുതിയുടെ ഫൈനല്‍ എഡിറ്റ് കണ്ടു കഴിഞ്ഞതിനു ശേഷമുള്ള അഭിപ്രായം കൂടിയാണിത്.)
Drishyam 2.
Been wanting to say something about the film for a long time now. Guess since the world premiere is just…Posted by Prithviraj Sukumaran on Thursday, 18 February 2021
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…