‘നാട്ടിലെ മികച്ച ബർഗർ ഷെഫിന് പിറന്നാൾ ആശംസകൾ’ ദുൽഖറിന്റെ പിറന്നാൾ ആഘോഷിച്ച് പൃഥ്വിരാജിന്റെയും ദുൽഖറിന്റെയും കുടുംബങ്ങൾ

യുവതാരം ദുൽഖർ സൽമാന്റെ പിറന്നാൾ ആഘോഷിക്കുകയാണ് മലയാളികൾ. താരത്തിന് ആശംസകളുമായി നിരവധി വ്യക്തികൾ എത്തിയിട്ടുണ്ട്. നടനും സംവിധായകനുമായ പൃഥ്വിരാജ് സുകുമാരൻ ‘നാട്ടിലെ മികച്ച ബർഗർ ഷെഫിന് പിറന്നാൾ ആശംസകൾ’ എന്നാണ് ദുൽഖറിനൊപ്പം കേക്ക് പങ്കു വയ്ക്കുന്ന ചിത്രം പങ്കു വച്ച് കുറിച്ചത്. പൃഥ്വിരാജും സുപ്രിയയും ഒരുമിച്ചാണ് ദുൽഖറിന് ആശംസകൾ നേർന്നത്. ദുൽഖറിനും ഭാര്യ അമാലിനും പൃഥ്വിക്കും ഒപ്പം നിൽക്കുന്ന കുടുംബചിത്രം പങ്കു വച്ചാണ് സുപ്രിയ താരത്തിന് ആശംസകൾ നേർന്നത്.

സിനിമാ ഇൻഡസ്ട്രിയിലെ ദുൽഖറിന്റെ അടുത്ത സുഹൃത്തുക്കളാണ് പൃഥ്വിരാജ് സുകുമാരനും സുപ്രിയയും. കഴിഞ്ഞദിവസം മമ്മൂട്ടിയുടെ പുതിയ വീട് സന്ദർശിക്കാനെത്തിയ പൃഥ്വിരാജിന്റെ ചിത്രം വൈറലായിരുന്നു. ഇതുകൂടാതെ പൃഥ്വിരാജും ദുൽഖർ സൽമാനും തങ്ങളുടെ ആഡംബര കാറിൽ നടത്തിയ ഡ്രൈവിംഗ് വീഡിയോയും ഏറെ വൈറലായിരുന്നു. ദുൽഖർ സൽമാന് ഇന്ന് 34 വയസ്സ് തികയുകയാണ്. കോവിഡ് കാലമായതിനാൽ ആഘോഷങ്ങൾക്ക് വിലക്കുണ്ടെങ്കിലും സന്നദ്ധ പ്രവർത്തനങ്ങളിൽ ശ്രദ്ധ കേന്ദ്രീകരിച്ച് താരത്തിന്റെ പിറന്നാൾ കെങ്കേമമാക്കാനുള്ള തയ്യാറെടുപ്പിലാണ് ആരാധകർ.