“മമ്മൂക്കയുടെ ഈ ഫോട്ടോ കാണുമ്പോഴാണ് രാജുവേട്ടന്റെ ഫോട്ടോ കിണറ്റിലെറിയാൻ തോന്നുന്നത്” ആരാധകന് പൃഥ്വിയുടെ മറുപടി

മമ്മൂക്കയുടെ പുതിയൊരു ഫോട്ടോയാണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. ഏഷ്യാനെറ്റ് അവാര്‍ഡ് വേദിയിലേക്കുള്ള അദ്ദേഹത്തിന്റെ മാസ്സ് എന്ട്രിയുടെ വീഡിയോയും ചിത്രങ്ങളുമൊക്കെ വൈറലായി മാറിയിരുന്നു. കറുത്ത ഷര്‍ട്ടും പാന്റുമണിഞ്ഞ് സൈഡ് പാര്‍ട്ട് ക്രൂ സ്റ്റൈലില്‍ മുടിയിലും പരീക്ഷണം നടത്തിയാണ് മെഗാസ്റ്റാര്‍ എത്തിയത്. നിങ്ങളിതെന്ത് മനുഷ്യനാണ് മമ്മൂക്ക, എങ്ങനെ ഇത് സാധിക്കുന്നുവെന്നായിരുന്നു ആരാധകരും ചോദിച്ചത്. ആ ഫോട്ടോ പൃഥ്വിരാജിന്റെ ഫോട്ടോക്ക് കമന്റായി ഇട്ടാണ് ആരാധകൻ ഇങ്ങനെ പറഞ്ഞത് “രാജുവേട്ടാ ഈ ഫോട്ടോ ഒക്കെ കാണുമ്പോൾ ആണ് ചേട്ടൻ ഇട്ടേക്കുന്ന ഫോട്ടോ ഒക്കെ എടുത്തു കിണറ്റിൽ ഇടാൻ തോന്നുന്നത് 😀😀😀”. എന്തായാലും അത് ‘സത്യം’ എന്ന് പറഞ്ഞ് പൃഥ്വിരാജ് ട്വീറ്റ് ചെയ്യുകയും ചെയ്‌തു.

പൃഥ്വിരാജിന്റെ പ്രഥമ സംവിധാന സംരംഭമായ ലൂസിഫർ ഈ വരുന്ന വെള്ളിയാഴ്ച്ച മുതൽ തീയറ്ററുകളിൽ എത്തുവാൻ ഒരുങ്ങുകയാണ്. അതോടൊപ്പം തന്നെ മമ്മൂട്ടിയുടെ മാസ്സ് എന്റർടൈനർ മധുരരാജയും വിഷു റിലീസായി തീയറ്ററുകളിൽ എത്തുവാനുള്ള ഒരുക്കത്തിലാണ്.