നിതിൻ ഭാഗ്യവാനാണ്.. അടുത്ത ചിത്രത്തിൽ ചിലപ്പോൾ മോഹൻലാൽ തന്നെ നായകനായേക്കാം..! മനസ്സ് തുറന്ന് ജോബി ജോർജ്

ജോബി ജോർജ്ജ് നിർമ്മിച്ച കസബ എന്ന ചിത്രത്തിലൂടെ സംവിധായകനായി അരങ്ങേറ്റം കുറിച്ച വ്യക്തിയാണ് നിതിൻ രഞ്ജി പണിക്കർ. കസബക്ക് ശേഷം ഇപ്പോൾ തന്റെ രണ്ടാമത്തെ ചിത്രത്തിന്റെ റിലീസിനായി കാത്തിരിക്കുകയാണ് അദ്ദേഹം. ആദ്യ ചിത്രം നിർമ്മിച്ച ബോബി ജോർജ് തന്നെ ഗുഡ്‌വിൽ എന്റർടെയ്ൻമെന്റ്സിന്റെ ബാനറിൽ നിർമിക്കുന്ന, സൂപ്പർ സ്റ്റാർ സുരേഷ് ഗോപി നായകൻ ആകുന്ന കാവലാണ് പുതിയ ചിത്രം. ചിത്രം 25ാം തിയതിയാണ് റിലീസ് ചെയ്യുന്നത്. ഇപ്പോഴിതാ നിതിനെ കുറിച്ച് ഒരു അഭിമുഖത്തില്‍ മനസ്സ് തുറന്നിരിക്കുകയാണ് ജോബി ജോര്‍ജ്. നിതിൻ വളരെ ഭാഗ്യവാനാണെന്നും ചിലപ്പോള്‍ നിതിന്റെ അടുത്ത ചിത്രത്തില്‍ നായകനായി മോഹൻലാൽ തന്നെ എത്തിയേക്കുമെന്നും ജോബി പറഞ്ഞു.

ഞങ്ങള്‍ക്കിടയില്‍ ഒരു നിര്‍മ്മാതാവും സംവിധായകനും നമ്മിലുള്ള ബന്ധമല്ല. സഹോദരബന്ധമാണ്. അതുകൊണ്ട് തന്നെ ഞാൻ നിതിനെ കുറിച്ച് വിലയിരുത്തേണ്ട കാര്യമില്ല. ഒരു സംശയവും വേണ്ട നിഥിൻ രഞ്ജി പണിക്കർ എന്ന വള്ളം കെട്ടാൻ പറ്റിയ കടവ് ഗുഡ്‌വിൽ തന്നെയാണ്. നിഥിൻ മൂന്നാം ചിത്രവും ഇവിടെയെ ചെയ്യു എന്നെനിക്കുറപ്പാണ്.

വലിയ പാടാ അവനെ സഹിക്കാൻ (ചിരി) അവൻ വളരെ ഭാഗ്യവാനാണ് അവൻ ആദ്യ പടം ചെയ്തപ്പോള്‍ നായകൻ മെഗാസ്റ്റാർ മമ്മൂക്ക, രണ്ടാം ചിത്രത്തില്‍ നായകൻ ആക്ഷൻ കിംഗ് സുരേഷ് ഗോപി. ഇനി ആര്‍ക്കറിയാം അവൻ മൂന്നാമത്തെ ചിത്രം മോഹൻലാലിനെ വെച്ച് ചെയ്യില്ലേയെന്ന്. അങ്ങനെ ചിന്തിച്ചാല്‍ മലയാളത്തിലെ ഏത് സംവിധായകന് കിട്ടിയിട്ടുണ്ട് ഇങ്ങനെ ഒരു ഭാഗ്യം. ഇതാണ് ദൈവാനുഗ്രഹം.