ഒരു ഇവേളയ്ക്ക് ശേഷം ‘വരനെ ആവശ്യമുണ്ട്’ എന്ന സിനിമയിലൂടെയാണ് സുരേഷ് ഗോപി മലയാള സിനിമയിലേക്ക് തിരികെയെത്തിയത്. ഇപ്പോൾ ഇതാ തിയറ്ററുകളെ പ്രകമ്പനം കൊള്ളിക്കാൻ സുരേഷ് ഗോപി നായകനാകുന്ന അടുത്ത ചിത്രം എത്തുകയാണ്. നിഥിൻ രഞ്ജി പണിക്കർ സംവിധാനം ചെയ്യുന്ന ‘കാവൽ’ തിയറ്ററുകളിൽ റിലീസ് ചെയ്യും. ഒടിടി പ്ലാറ്റ്ഫോമിൽ വമ്പൻ തുകയുടെ ഓഫർ ലഭിച്ചെങ്കിലും കാവൽ തിയറ്ററിൽ തന്നെ റിലീസ് ചെയ്യാൻ തീരുമാനിക്കുകയായിരുന്നുവെന്ന് നിർമാതാവ് ജോബി ജോർജ് വ്യക്തമാക്കി. ഗുഡ് വിൽ എന്റർടയിൻമെന്റസിന്റെ ബാനറിൽ ജോബി ജോർജാണ് ചിത്രം നിർമിച്ചിരിക്കുന്നത്. ഇതൊരു കുടുംബചിത്രമാണെന്നും ആരാധകർ കാണാൻ കാത്തിരിക്കുന്ന പഴയ ഓജസും തേജസുമുള്ള സുരേഷ് ഗോപിയെ തന്നെ ആയിരിക്കും കാവലിൽ കാണാൻ സാധിക്കുകയെന്നും ജോബി ജോർജ് പറഞ്ഞു.
സുരേഷ് ഗോപിയെ നായകനാക്കി നിഥിൻ രഞ്ജി പണിക്കർ സംവിധാനം ചെയ്യുന്ന ചിത്രം ‘കാവൽ’ ന് ഒടിടിയിൽ നിന്ന് ഒമ്പത് അക്ക തുകയുടെ ഓഫർ ലഭിച്ചെന്ന് നിർമാതാവ് ജോബി ജോർജ്. എന്നാൽ, തിയറ്ററുകൾ പ്രതിസന്ധി നേരിടുന്ന ഈ കാലത്ത് താൻ മാത്രം കാശുണ്ടാക്കിയാൽ പോരല്ലോയെന്ന് തോന്നിയതു കൊണ്ടാണ് ഒടിടി ഓഫർ നിരസിച്ച് തിയറ്ററുകളിൽ തന്നെ ചിത്രം റിലീസ് ചെയ്യാൻ തീരുമാനിച്ചതെന്നും ജോബി വ്യക്തമാക്കി. മനോരമ ന്യൂസ് ഓൺലൈനിന് നൽകിയ അഭിമുഖത്തിലാണ് ജോബി ജോർജ് ഇക്കാര്യം തുറന്നു പറഞ്ഞത്. നാട്ടിൽ തിയറ്റർ വ്യവസായത്തെ ആശ്രയിച്ച് കഴിയുന്ന ഒരുപാട് ആളുകളുണ്ട്. സിനിമയുടെ പോസ്റ്റർ ഒട്ടിക്കുന്നവർ, ഫ്ലക്സ് നിർമിക്കുന്നവർ എന്ന് തുടങ്ങി ഒരുപാട് പേരുടെ അന്നമാണ് സിനിമ. അത് മുടക്കിയിട്ട് താൻ മാത്രം നന്നാകുന്നത് ശരിയല്ലെന്ന് തോന്നിയെന്നും ജോബി ജോർജ് പറഞ്ഞു.
ഇതൊരു കുടുംബചിത്രമാണെന്നും അതുകൊണ്ടു തന്നെ പ്രേക്ഷകർ ഉറപ്പായും തിയറ്ററിൽ വരുമെന്നാണ് പ്രതീക്ഷിക്കുന്നത്. രഞ്ജി പണിക്കരിനൊപ്പം സുരേഷ് ഗോപി ഉണ്ടാക്കിയ വിജയം മകനൊപ്പം ആവർത്തിക്കുമെന്നാണ് പ്രതീക്ഷിക്കുന്നത്. ഗുഡ് വിൽ എന്റെർടയിന്റമെന്റിസിനൊപ്പം നിഥിന്റെ രണ്ടാമത്തെ ചിത്രമാണ് കാവൽ. ഒടിടി ഓഫർ ചെയ്ത പണം തനിക്ക് ആവശ്യമില്ലെന്നും മുടക്കിയ പണം സാറ്റലൈറ്റ് റൈറ്റ്സ് ആയൊക്കെ തനിക്ക് തിരിച്ചു കിട്ടുമെന്നും അത് മതിയെന്നും ആർത്തി പാടില്ലെന്ന് വിശ്വസിക്കുന്ന വ്യക്തിയാണ് താനെന്നും ജോബി ജോർജ് പറഞ്ഞു. സിനിമയിൽ രഞ്ജി പണിക്കരും പ്രധാന വേഷത്തിൽ എത്തുന്നുണ്ട്. മാസ് ഡയലോഗുകൾ പറയുന്ന കണ്ണിൽ കനലുകളുള്ള ആരോഗ്യവാനായ സുരേഷ് ഗോപിയെ കാണാനുള്ള അവസരം കൂടിയാണ് കാവൽ എന്നും ജോബി ജോർജ് പറഞ്ഞു.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…