നടൻ മോഹൻലാലിനെ നായകനാക്കി സിബി മലയിൽ സംവിധാനം ചെയ്ത ചിത്രമായിരുന്നു ദേവദൂതൻ. 2000ൽ പുറത്തിറങ്ങിയ ചിത്രത്തിൽ മോഹൻലാലിന് ഒപ്പം ജയപ്രദ, വിജയലക്ഷ്മി, ശരത്ത്, വിനീത് കുമാർ, ജനാർദ്ദനൻ, ജഗതി എന്നിങ്ങനെ ഒരു വലിയ താരനിര തന്നെ ആയിരുന്നു ചിത്രത്തിൽ അണിനിരന്നത്. എന്നാൽ ചിത്രം റിലീസ് ചെയ്ത സമയത്ത് പരാജയമായിരുന്നു. പിന്നീട് മോഹൻലാലിന്റെ ഏറ്റവും ജനപ്രിയ ചിത്രമായി ദേവദൂതൻ മാറി. ടെലിവിഷനിൽ വരുമ്പോൾ എല്ലാം ചിത്രത്തിന് റിപ്പീറ്റ് വാല്യു കൂടി.
അതേസമയം, ദേവദൂതൻ എന്ന മോഹൻലാൽ ചിത്രത്തിന്റെ പരാജയത്തിൽ സങ്കടമില്ലെന്ന് വ്യക്തമാക്കുകയാണ് ചിത്രത്തിന്റെ നിർമാതാവ് സിയാദ് കോക്കർ. ചിത്രത്തിൽ എല്ലാവരും വളരെ ആത്മാർത്ഥതയോടെയാണ് പ്രവർത്തിച്ചതെന്നും അദ്ദേഹം പറഞ്ഞു. ജാങ്കോ സ്പേസ് ടിവിക്ക് നൽകിയ അഭിമുഖത്തിൽ സംസാരിക്കുമ്പോൾ ആണ് സിയാദ് കോക്കർ ഇക്കാര്യം വ്യക്തമാക്കിയത്.
ദേവദൂതനെ പറ്റി സംസാരിക്കുകയാണെങ്കിൽ മണിക്കൂറുകളോളം വേണ്ടി വരുമെന്ന് അദ്ദേഹം പറഞ്ഞു. വലിയ ആഗ്രഹത്തോടെ ഷൂട്ട് ചെയ്ത സിനിമയാണ്‌ അതെന്നും അതിന്റെ പരാജയത്തിൽ സങ്കടമില്ലെന്നും അദ്ദേഹം പറഞ്ഞു. ‘എല്ലാവരും വളരെ ആത്മാർത്ഥതയോടെ ചെയ്ത സിനിമയാണത്. ടിവിയിൽ ഓരോ പ്രാവശ്യവും ഈ സിനിമ വരുമ്പോൾ എനിക്ക് നല്ല ഫേസ്ബുക്ക് കമന്റ്സ് ലഭിക്കാറുണ്ട്. അത് വലിയ സന്തോഷമാണ്. ദേവദൂതന്റെ ഷൂട്ട് വളരെ പെയിൻഫുൾ ആയിരുന്നു. ചിത്രത്തിന്റെ ഷൂട്ടിനായി സെറ്റ് ചെയ്ത് വെച്ചിരുന്നത് ആലുവയിലെ ഒരു സെമിനാരിയിൽ ആയിരുന്നു. സിനിമാക്കാർക്കാണെങ്കിൽ ഷൂട്ടിന് തരില്ലെന്ന് അവിടുത്തെ റെക്ടർ അച്ഛൻ പറഞ്ഞു. അവിടെ ഷൂട്ട് ചെയ്തിരുന്നേൽ ഇത്രയും നഷ്ടം വരില്ലായിരുന്നു’ – സിയാദ് കോക്കർ പറഞ്ഞു. ഇവിടെ ശരിയാകാത്തതു കൊണ്ടാണ് ഊട്ടിയിൽ പോയി സെറ്റിടേണ്ടി വന്നത്. അവിടെയാണെങ്കിൽ മഴ പെയ്താൽ മണ്ണിടിച്ചിൽ ഉണ്ടാകും. സെറ്റ് പൊളിഞ്ഞു പോകുന്ന സാഹചര്യത്തിൽ വീണ്ടും സെറ്റിടേണ്ടി വന്നു. ഇൻവെസ്റ്റ് കൂടിയതുകൊണ്ടാണ് ഈ ചിത്രം നഷ്ടമാണെന്ന് പറയുന്നത്. വേറെ ഭാഷയിൽ ഈ സിനിമ ചെയ്യാൻ താനും സിബിയും ആലോചിക്കുന്നുണ്ടെന്നും സിയാദ് കോക്കർ പറഞ്ഞു.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…