R Ramanand writes about Vellam movie
ജയസൂര്യ, സംയുക്ത മേനോൻ എന്നിവരെ പ്രധാന കഥാപാത്രങ്ങളാക്കി പ്രജേഷ് സെൻ ഒരുക്കിയ വെള്ളം മികച്ച അഭിപ്രായമാണ് പ്രേക്ഷകരിൽ നിന്നും നേടിയിരിക്കുന്നത്. കോവിഡ് പ്രതിസന്ധിക്ക് ശേഷം തീയറ്ററുകളിൽ റിലീസിനെത്തിയ ആദ്യ മലയാള സിനിമ എന്ന നേട്ടം കൂടി കൈവരിച്ചിട്ടുള്ള ചിത്രം പച്ചയായ ജീവിതം കാട്ടിത്തന്നാണ് വിജയം കുറിച്ചിരിക്കുന്നത്. അതിനിടയിൽ ആർ രാമാനന്ദ് എന്ന വ്യക്തി ഫേസ്ബുക്കിൽ കുറിച്ച വെള്ളം നിരൂപണം ശ്രദ്ധേയമാകുകയാണ്.
വെള്ളം സിനിമ കണ്ടു, ഇല്ല കണ്ടില്ല, ഇറങ്ങിയ അന്നുതന്നെ സിനിമയ്ക്ക് പോയി. പക്ഷേ നിരാശപ്പെട്ടു പോയി. കാരണം ഒരു ഇടവേളക്ക് ശേഷം ഒരു സിനിമ കാണണം എന്ന മോഹം നടന്നില്ല. ഒട്ടും സിനിമയില്ലാത്ത ഒരു കാഴ്ചയായിരുന്നു സ്ക്രീനിൽ. ആ അർത്ഥത്തിൽ ഞാൻ പറ്റിക്കപ്പെട്ടു എന്ന് വേണമെങ്കിൽ പറയാം. സിനിമ കാണിക്കാം എന്നു പറഞ്ഞു. ‘മുരളിയുടെ ജീവിതത്തിലേക്ക് ഒരു ക്യാമറ വെച്ചു പോയതുപോലെ’. ഒരു യഥാർത്ഥ കഥയും കഥാപാത്രവും കഥയായി അല്ലാതെ പച്ചയായി നമുക്കിടയിൽ ജീവിച്ചിരിക്കുമ്പോൾ ഒരു കഥാകാരനെ സംബന്ധിച്ച് അതോപ്പിയെടുക്കുക, മിഴിവൊട്ടും ചോർന്നു പോകാതെ സ്ക്രീനിൽ പകർത്തി വെക്കുക. ഇതൊക്കെ ഏതാണ്ട് അസാധ്യം തന്നെയാണ്. പ്രജേഷ് കയ്യടക്കത്തോടെ ഇത് നിർവഹിച്ചിരിക്കുന്നു.
ജയസൂര്യ എന്ന നമുക്കൊക്കെ പരിചയമുള്ള മലയാളത്തിലെ ഒരു നടനോട് രൂപത്തിൽ മാത്രം സാദൃശ്യമുള്ള ഒരാളാണ് സിനിമയിലെ വെള്ളം മുരളി. പ്രതിഭയുടെ മേൽ കച്ച കൊണ്ടു മൂടി മുൻ മാതൃകകളെ ഒരല്പം പോലും പുറത്തുകാണിക്കാതെ ഉള്ള ആട്ടമാണ് വെള്ളം മുരളിയായി സ്ക്രീനിൽ ആടി തീർക്കുന്നത്. ആട്ടം തിരശ്ശീലയിൽ ആയിരുന്നുവെങ്കിലും, അതിൻ്റെ തിരയിളക്കം കാണുന്നവൻ്റെ നെഞ്ചിനകത്താണ്, അതും സ്ക്രീനിരിക്കുന്നയിടം വിട്ട് നാം അകലേക്ക് പോയിട്ടും എത്രയോ കാലം നെഞ്ചിൽ ആ തിരയിളക്കം ബാക്കി നിൽക്കുന്നു. സിനിമയുടെ തേഡ് വാളും ഫോർത്ത് വാളും ഇനി അതിന് മുകളിൽ അതിരുകളുണ്ടെങ്കിൽ അതും ബ്രേക്ക് ചെയ്യുക എന്ന ‘സാങ്കേതികത്വങ്ങൾ’ ഒരു ട്രൻ്റ് ആയി നിൽക്കുന്ന കാലത്ത്. കാഴ്ചയുടെ എല്ലാ സീമകളേയും ലംഘിച്ച് കഥാപാത്രം നമ്മുടെ വീട്ടിൽ ഒരാളായി തീരുന്നതിൻ്റെ വിസ്മയം വെള്ളത്തിൽ സംഭവിച്ചിട്ടുണ്ട്. ആകാശമായവളെ എന്ന ഒരു മനോഹര ഗാനം അതിമനോഹരമായി ഷഹബാസ് പാടിയത് സിനിമയിലുണ്ട്. ഒരുപക്ഷേ ആകാശ വ്യാപ്തി ഉൾക്കൊള്ളുന്ന ഒരു കഥാപാത്രം അവതരിപ്പിക്കാൻ ഉള്ള വലിപ്പം സംയുക്ത എന്ന അഭിനേതാവിന് ഉണ്ട് എന്നതിൻ്റെ തെളിവാണ് വെള്ളം. സിനിമ കാണാൻ ആരും തീയേറ്ററിൽ പോകരുത് കാരണം സിനിമ കാണാൻ പറ്റാതെ നിങ്ങൾ നിരാശപ്പെട്ടേക്കാം, അത്രയ്ക്ക് ജീവിത മുഹൂർത്തങ്ങളാൽ സമ്പന്നമായ ഒരു മാസ്മരിക കഥ! തികച്ചും സത്യമായ ഒരു കഥ! (സത്യവും കഥയും ഇണച്ചേരുന്നത് കണ്ടിട്ടുണ്ടോ? അതാണീ പ്രോഡക്ക്റ്റ്)
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…