ബ്രഹ്മാണ്ഡ ചിത്രം മരയ്ക്കാറിന് സംഗീതം ഒരുക്കുന്നത് രാഹുൽ രാജ്

സിനിമാപ്രേമികൾ നാളുകളായി കാത്തിരിക്കുന്ന ചിത്രമാണ് മരയ്ക്കാർ അറബിക്കടലിന്റെ സിംഹം.മോഹൻലാൽ നായകനായി എത്തുന്ന ചിത്രം സംവിധാനം ചെയ്യുന്നത് പ്രിയദർശൻ ആണ്.പ്രഭു,സുനിൽ ഷെട്ടി, അർജുൻ,പ്രണവ് മോഹൻലാൽ, കല്യാണി പ്രിയദർശൻ, മഞ്ജു വാര്യർ തുടങ്ങി ഒരു വലിയ താരനിര തന്നെ ചിത്രത്തിൽ അണി നിരക്കുന്നുണ്ട്.

ചിത്രത്തിന്റെ ഷൂട്ടിംഗ് നേരത്തെ തന്നെ പൂർത്തിയായിരുന്നു.ഇപ്പോൾ ചിത്രത്തിന്റെ പോസ്റ്റ് പ്രൊഡക്ഷൻ ജോലികൾ അന്തിമ ഘട്ടത്തിലേക്ക് നീങ്ങുന്നു എന്ന തരത്തിലാണ് റിപ്പോർട്ടുകൾ.ചിത്രത്തിന്റെ സംഗീതം ഒരുക്കുന്നത് രാഹുൽ രാജ് ആയിരിക്കും എന്ന് വെളിപ്പെടുത്തിയിരിക്കുകയാണ് അണിയറ പ്രവർത്തകർ ഇപ്പോൾ.
പ്രേക്ഷകരുടെ ആവേശം വർദ്ധിപ്പിക്കാനായി ഒരു ടീസറും അണിയറയിൽ ഒരുങ്ങുന്നുണ്ട് എന്നാണ് ലഭിക്കുന്ന സൂചന.ചിത്രത്തിൽ മോഹൻലാലിന്റെ ഗംഭീര ആക്ഷൻ സീനുകൾ ഉണ്ടെന്നാണ് അണിയറ പ്രവർത്തകർ പറയുന്നത്.കടലിനടിയിൽ ഉള്ള അണ്ടർ വാട്ടർ ഫൈറ്റ് സീനുകളിൽ മോഹൻലാൽ ഈ ചിത്രത്തിൽ അഭിനയിച്ചിട്ടുണ്ട്.

അടുത്ത വർഷം ആദ്യത്തോടെ ചിത്രം തിയറ്ററുകളിലെത്തിക്കാൻ ആണ് ആശിർവാദ് സിനിമാസ് ഉദ്ദേശിക്കുന്നത്. ഇതിനിടെ
ഒരിക്കലും ഇതൊരു ഒരു ചരിത്ര പ്രാധാന്യമുള്ള ചിത്രം ആയിരിക്കില്ല എന്ന് വെളിപ്പെടുത്തിയിരിക്കുകയാണ് പ്രിയദർശൻ . കുറച്ചു ചരിത്രവും അതിലേറെ എന്റർടൈന്മെന്റും ആയിരിക്കും ഈ ചിത്രം എന്ന് പ്രിയദർശൻ ഇപ്പോൾ വാക്ക് നൽകിയിരിക്കുകയാണ്.എന്തായാലും മലയാള സിനിമാ പ്രേമികൾക്ക് ഒരു വിരുന്ന് തന്നെയാകും മരയ്ക്കാർ എന്ന് ഉറപ്പ്.