നന്ദനത്തിൽ അല്ല, എന്റെ ചിത്രത്തിൽ ആണ് പൃഥ്വിരാജ് ആദ്യം അഭിനയിച്ചത്

തന്റെ ആദ്യ ചിത്രം നന്ദനം ആണെന്ന് പ്രിത്വിരാജ് തന്നെ പലപ്പോഴും പല സ്ഥലങ്ങളിൽ വെച്ച് പറഞ്ഞിട്ടുണ്ട്. എന്നാൽ താരത്തിന്റെ ആദ്യ ചിത്രം നന്ദനം അല്ലായെന്നും തന്റെ ചിത്രത്തിൽ ആണ് പൃഥ്വിരാജ് ആദ്യം അഭിനയിച്ചതെന്നും ആണ് സംവിധായകൻ രാജസേനൻ ഇപ്പോൾ പറഞ്ഞിരിക്കുന്നത്. തന്റെ ചിത്രമായ നക്ഷത്രക്കണ്ണുള്ള രാജകുമാരന്‍ അവനുണ്ടൊരു രാജകുമാരി എന്ന സിനിമയിലായിരുന്നു പൃഥ്വി ആദ്യമായി അഭിനയിച്ചതെന്ന് സംവിധായകന്‍ പറയുന്നു.

രാജസേനന്റെ വാക്കുകൾ ഇങ്ങനെ,  ഞാന്‍ സംവിധാനം ചെയ്ത സിനിമയിലൂടെയാണ് പൃഥ്വിരാജ് എന്ന നടന്‍ വരുന്നതെങ്കിലും അദ്ദേഹം ആദ്യമായി അഭിനയിച്ച സിനിമയായി എന്റെ സിനിമയുടെ പേര് പറഞ്ഞിട്ടില്ല. നന്ദനമാണ് ആദ്യ ചിത്രമെന്നു അദ്ദേഹം പറയാറ്.‘നക്ഷത്രക്കണ്ണുള്ള രാജകുമാരന്‍ അവനുണ്ടൊരു രാജകുമാരി’ എന്ന സിനിമയും മറ്റൊരു സിനിമയും കഴിഞ്ഞിട്ടാണ് പൃഥ്വിരാജ് നന്ദനത്തിൽ അഭിനയിക്കുന്നത്. എല്ലാവര്ക്കും ഹിറ്റ് ആയ ചിത്രത്തിന്റെ പേര് പറയാനാണ് താൽപ്പര്യം. അത് കൊണ്ട് തന്നെയാണ് നന്ദനം പ്രിത്വിരാജിന്റെ ആദ്യ ചിത്രമായി അറിയപ്പെടുന്നത്.