മദ്യപിക്കാറുണ്ട്,പക്ഷെ ഒരിക്കലും മദ്യം കുടിച്ച് ബോധം പോയിട്ടില്ല: രഞ്ജിനി ഹരിദാസ്

വാതോരാതെയുള്ള സംസാരവും എന്തും തുറന്നുപറയാനുള്ള ധൈര്യവും കൊണ്ട് പ്രേക്ഷകരുടെ പ്രിയങ്കരിയായി മാറിയ അവതാരകയും അഭിനേത്രിയുമായ വ്യക്തിയാണ് രഞ്ജിനി ഹരിദാസ്. യാത്രകൾ ഏറെ ഇഷ്ടപ്പെടുന്ന രഞ്ജിനി ജോലി സംബന്ധമായും അല്ലാതെയും യാത്ര ചെയ്യുന്ന ഒരാളാണ്. മനസ്സ് ആഗ്രഹിക്കുന്ന ഇടത്തേക്ക് എല്ലാം യാത്ര പോകണം എന്ന് പറയുന്ന രഞ്ജിനി പോകുന്ന സ്ഥലത്തെക്കുറിച്ചുള്ള സർവ്വ കാര്യങ്ങളും പഠിച്ചതിനുശേഷമാണ് അവിടേക്ക് യാത്ര തിരിക്കുക.
ഒരു പ്രമുഖ മാധ്യമത്തിന് നൽകിയ അഭിമുഖത്തിൽ മദ്യപിക്കാറുണ്ടോ എന്ന ചോദ്യത്തിന് രഞ്ജിനി നൽകിയ മറുപടിയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.

താരത്തിന്റെ വാക്കുകൾ:

ഞാൻ കുടിക്കാറുണ്ട്. സുഹൃത്തുക്കൾക്കൊപ്പം പാർട്ടികളിൽ പങ്കെടുക്കാറുമുണ്ട്. ഇതുവരെ നിരവധി പാർട്ടികളിൽ പങ്കെടുത്തിട്ടുണ്ടെങ്കിലും മദ്യപിച്ച്‌ ബോധം കെട്ടിട്ടില്ല. ആരും എടുത്ത് കൊണ്ടുപോവേണ്ട അവസ്ഥയിലായിട്ടുമില്ല.ബോധം കെട്ട് എടുത്തോണ്ട് പോയി എന്ന തരത്തിലുള്ള കഥകളൊക്കെ പ്രചരിക്കാറുണ്ട്. എവിടെ പാർട്ടിയുണ്ടോ, ഞാൻ പങ്കെടുക്കാറുണ്ട്.

എന്റെ സമ്മർദ്ദം കുറക്കാനായി ഞാൻ മദ്യപിക്കാറും പാർട്ടികളിൽ പങ്കെടുക്കാറുണ്ട്. മദ്യപിക്കാറില്ല എന്ന് ഞാൻ എവിടെയും പറഞ്ഞിട്ടില്ല.