മമ്മൂട്ടിയുടെ ഓണചിത്രം ഒരു കുട്ടനാടൻ ബ്ലോഗിന് റെക്കോർഡ് സാറ്റലൈറ്റ് തുക

മമ്മൂക്കയുടെ ഏറ്റവും പുതിയ ചിത്രമാണ് ഒരു കുട്ടനാടൻ ബ്ലോഗ്.തിരക്കഥാകൃത്ത് സേതു ആദ്യമായി സംവിധാനം ചെയ്യുന്ന ചിത്രമാണിത്.
പേര് സൂചിപ്പിക്കുന്നത് പോലെ കുട്ടനാട്ടിലെ ഗ്രാമ പ്രദേശത്തെ കഥയാകും ചിത്രം പറയുന്നത്.ലക്ഷ്മി റായ്,അനു സിത്താര,ദീപ്തി സതി എന്നിവർ ആയിരിക്കും ചിത്രത്തിൽ നായികമാരായി എത്തുന്നത്. മമ്മൂട്ടിയോടൊപ്പം ഉള്ള റായ് ലക്ഷ്മിയുടെ അഞ്ചാം ചിത്രമാണ് ഇത്.
നെടുമുടി വേണു, സുരാജ് വെഞ്ഞാറമൂട്,സിദ്ദിഖ് തുടങ്ങിയവരും അഭിനയിക്കുന്നു

ചിത്രത്തിന്റെ സാറ്റലൈറ്റ് അവകാശം 7 കോടി രൂപയ്ക്ക് സൂര്യ ടിവി സ്വന്തമാക്കിയിരിക്കുകയാണ്. ഒരു മമ്മൂട്ടി ചിത്രത്തിന് ലഭിക്കുന്ന ഏറ്റവും ഉയര്‍ന്ന സാറ്റലൈറ്റ് തുകയാണ് 7 കോടി.

മോഹന്‍ലാലിന്റെ വില്ലനായിരുന്നു 7 കോടി നേടിയ ആദ്യ സാറ്റലൈറ്റ് ചിത്രം. ഇതിനു പിന്നാലെയാണ് ഈ മമ്മൂട്ടിച്ചിത്രം ഈ നേട്ടം സ്വന്തമാക്കിയിരിക്കുന്നത്.
മമ്മൂട്ടിയുടെ കിടിലന്‍ ലുക്കും ടീസറും പുറത്തിറങ്ങിയതോടെ ഓണം മമ്മൂട്ടി കൊണ്ടുപോകുമെന്നാണ് ആരാധകര്‍ പറയുന്നത്.