കുടുംബ പ്രേക്ഷകരുടെ പ്രിയപ്പെട്ട മിനിസ്ക്രീൻ താരം രശ്മി സോമൻ തിരിച്ചുവരുന്നു ! ഇത്തവണ ഒരു സർപ്രൈസുമായി

ശാലീന സുന്ദരിയായെത്തി നിരവധി സീരിയലുകളിലൂടെ കുടുംബ പ്രേക്ഷകര്‍ക്ക് പ്രിയങ്കരിയായ മലയാളി ടെലിവിഷന്‍ പ്രേമികള്‍ക്ക് മറക്കാനാകാത്ത പേരാണ് രശ്മി സോമന്‍. വിവാഹശേഷം അഭിനയ ജീവിതത്തിൽ നിന്നും മാറി നിന്ന രശ്മി സോമൻ ഇപ്പോൾ അഭിനയത്തിലേക്ക് തിരിച്ചെത്തുന്നു എന്ന വാർത്തകളാണ് പുറത്തുവരുന്നത്. സീരിയലുകളിൽ തിളങ്ങിനിന്നിരുന്ന കാലത്തായിരുന്നു രശ്മിയുടെ വിവാഹം നടന്നത്. ആദ്യ വിവാഹബന്ധം വേർപെടുത്തുകയും പിന്നീട് വിവാഹിതയാവുകയും ചെയ്ത രശ്മിയെ സംബന്ധിച്ച വാർത്തകൾ എല്ലാം സോഷ്യൽ മീഡിയയിൽ വൈറൽ ആയിരുന്നു. അതിനുശേഷം രശ്മി ഒരു യൂട്യൂബ് ചാനൽ തുടങ്ങിയിരുന്നു.

ഇപ്പോൾ നാലു വർഷത്തെ ഇടവേളക്ക് ശേഷം വീണ്ടും മിനിസ്ക്രീനിലേക്ക് തിരിച്ചെത്തുകയാണ്. അനുരാഗമെന്ന സീരിയലിലൂടെ അഭിനയരംഗത്തേയ്ക്ക് തിരിച്ചെത്തുന്ന രശ്മി ഇത്തവണ അവതരിപ്പിക്കുന്നത് കണ്ണീർ കഥാപാത്രത്തെ അല്ലെന്നും വളരെ ബോൾഡായ ഒരു കഥാപാത്രത്തെ ആണെന്നും പറയുന്നു. തന്റെ തിരിച്ചുവരവിനെക്കുറിച്ച് രശ്മി സോമൻ തന്നെ സോഷ്യൽ മീഡിയയിൽ പങ്കുവച്ച ഒരു കുറിപ്പാണ് ഇപ്പോൾ ആരാധകർ ഏറ്റെടുത്തിരിക്കുന്നത്. നാലു വർഷത്തെ ഇടവേളയ്ക്കു ശേഷം തന്റെ പ്രേക്ഷകരെ കാണുവാനായി താൻ അനുരാഗമെന്ന സീരിയലിലൂടെ എത്തുകയാണ് എന്നും എല്ലാ പ്രായത്തിലുള്ളവർക്കും ഒരുപോലെ കണ്ട് ആസ്വദിക്കാവുന്ന ഒരു സീരിയലാണ് അനുരാഗമെന്നും താരം പറയുന്നു. പണ്ട് തന്നോട് ഉണ്ടായിരുന്ന സ്നേഹത്തിന്റെ മാധുര്യം ഒട്ടും കുറഞ്ഞിട്ടില്ല എന്ന് താൻ വിശ്വസിക്കുന്നു എന്നും താരം പറയുന്നുണ്ട്