“അത്ഭുതം !! സ്ത്രീക്ക് കാലുകൾ ഉണ്ട് !!” അനശ്വരയെ സൈബർ അറ്റാക്ക് ചെയ്ത സദാചാര വാദികളെ പരിഹസിച്ച് റീമ കല്ലിങ്കൽ

യുവനടി അനശ്വര രാജൻ തന്റെ പുതിയ ചിത്രം കഴിഞ്ഞ ദിവസം സോഷ്യൽ മീഡിയയിൽ പോസ്റ്റ് ചെയ്തിരുന്നു. രഞ്ജിത്ത് ഭാസ്‌ക്കർ ആണ് ചിത്രങ്ങൾ പകർത്തിയത്. എന്നാൽ ഈ ചിത്രത്തിന് നേരെ സദാചാര വാദികളുടെ ആക്രമണം ഏറെ നടന്നിരുന്നു. അശ്ലീല കമന്റുകളും സദാചാര ആക്രണവും തുടരുമ്പോഴും അനശ്വരയ്ക്ക പിന്തുണയുമായി നിരവധി പേരാണ് കമന്റുകളുമായി എത്തുന്നത്. ഇന്നലെ തന്റെ നിലപാട് വ്യക്തമാക്കുകയാണ് അനശ്വര രാജൻ.

“നിങ്ങൾ ഞാൻ ചെയ്യുന്ന കാര്യമോർത്ത് ആശങ്കപ്പെടേണ്ട. നിങ്ങൾ ഇങ്ങനെ ഞാൻ ചെയ്യുന്ന കാര്യങ്ങളിൽ അസ്വസ്ഥരാകുന്നു എന്നോർത്ത് ആശങ്ക പെടു” അനശ്വര രാജൻ കുറിച്ചു. അതോടൊപ്പം ഗ്ലാമറസ്സ് വേഷത്തിലുള്ള മറ്റ് രണ്ട് ചിത്രങ്ങൾ കൂടി താരം പങ്കുവെച്ചിട്ടുണ്ട്. ഈ പോസ്റ്റിൻ അനശ്വരയ്ക്ക് പിന്തുണയുമായി നിരവധി പേരാണ് എത്തുന്നത്. ഇപ്പോൾ നടിയും നിർമാതാവുമായ റീമ കല്ലിങ്കൽ താരത്തിന് പിന്തുണയുമായി രംഗത്ത് എത്തിയിരിക്കുകയാണ് . സ്വിമ്മിംഗ് സ്യൂട്ട് ധരിച്ച തന്റെ ചിത്രം പങ്കുവെച്ചുകൊണ്ട് “അത്ഭുതം !! സ്ത്രീകൾക്ക് കാലുകൾ ഉണ്ട് ” എന്ന് പരിഹാസ രൂപേണ സദാചാര വാദികൾക്ക് മറുപടി കൊടുക്കുകയാണ് റീമ കല്ലിങ്കൽ.