കണ്‍മണിയെ മാറോട് ചേർത്ത് ഉറക്കി റിമി ടോമി, ചിത്രം ഏറ്റെടുത്ത് സോഷ്യൽ മീഡിയ

ആസ്വാദകരുടെ സ്വന്തം ഗായിക റിമി ടോമിയുടെ കുട്ടിപ്പട്ടാളമാണ് കണ്‍മണിയും കുട്ടാപ്പിയും. മലയാളീ പ്രേക്ഷകര്‍ക്ക് താരത്തിന്റെ തന്നെ  യൂട്യൂബ് ചാനലിലൂടെ  ഏറെ പരിചിതരാണ് ഈ കുസൃതികുടുക്കകള്‍.മലയാളത്തിന്റെ പ്രമുഖ നടി മുക്തയുടെയും റിമിയുടെ സഹോദരന്‍ റിങ്കുവിന്റെയും മകളാണ് കിയാര എന്ന കണ്‍മണി. സഹോദരി റീനുവിന്റെ മകനാണ് കുട്ടാപ്പി.റിമി ടോമി കണ്‍മണിയുടെയും കുട്ടാപ്പിയുടെയും കൂടെയുള്ള വിശേഷങ്ങളും ഒരുമിച്ചുള്ള  വീഡിയോകളുമെല്ലാം സോഷ്യല്‍ മീഡിയയില്‍ പങ്കുവയ്ക്കാറുണ്ട്.

ഈ പ്രാവിശ്യം  കണ്‍മണിയെ മാറോട് ചേര്‍ത്തു പിടിച്ചുറങ്ങുന്ന മനോഹരമായൊരു ചിത്രമാണ് റിമി പങ്കുവച്ചിരിക്കുന്നത്. പ്രേക്ഷക ശ്രദ്ധ നേടിയ  മുല്ല എന്ന ദിലീപ് ചിത്രത്തിലെ “കണ്ണിന്‍ വാതില്‍ ചാരാതെ കണ്ണാ നിന്നെ കണ്ടോട്ടെ” എന്ന മനോഹര ഗാനത്തിന്റെ  വരികളാണ് ചിത്രത്തോടൊപ്പം റിമി ചേര്‍ത്തിരിക്കുന്നത്.

അതെ പോലെ തന്നെ മഴവില്‍ മനോരമയില്‍ റിമി ജഡ്ജായി എത്തുന്ന ‘സൂപ്പര്‍ ഫോർ’ എന്ന റിയാലിറ്റി ഷോയില്‍ അടുത്ത സമയത്ത്  റിമിക്കൊപ്പം എത്തിയ കണ്‍മണിയുടെയും കുട്ടാപ്പിയുടെയും വീഡിയോ വളരെ ശ്രദ്ധ നേടിയിരുന്നു. തമാശകളും കളിചിരികളും പാട്ടുകളുമൊക്കെയായി വേദിയെ കയ്യിലെടുത്താണ് രണ്ടുപേരും തിരിച്ചു പോയത്.സൂപ്പര്‍ 4′ റിയാലിറ്റി ഷോയുടെ രണ്ടാം സീസണ്‍ ആണ് ഇപ്പോള്‍ നടന്നു കൊണ്ടിരിക്കുന്നത്. റിമിയെ കൂടാതെ ജ്യോത്സ്ന, വിധു പ്രതാപ്, സിതാര കൃഷ്ണകുമാര്‍ എന്നിവരും ജഡ്ജിങ് പാനലിലുണ്ട്.