സിനിമാപ്രേമികൾ കാത്തിരുന്ന ബിഗ് ബജറ്റ് ചിത്രം ആർ ആർ ആർ തിയറ്ററുകളിൽ റിലീസ് ചെയ്തു. ഈ വർഷം പ്രേക്ഷകർ ഏറ്റവും ആവേശത്തോടെ കാത്തിരുന്ന ചിത്രമാണ് തിയറ്ററുകളിൽ എത്തിയിരിക്കുന്നത്. ബാഹുബലിക്ക് ശേഷം എസ് എസ് രാജമൗലി സംവിധാനം ചെയ്ത ചിത്രത്തിൽ രാം ചരൺ, ജൂനിയർ എൻ ടി ആർ, ആലിയ ഭട്ട്, അജയ് ദേവ്ഗൺ, എന്നിവരാണ് പ്രധാന വേഷങ്ങളിൽ എത്തുന്നത്. പല തിയറ്ററുകളിലും ആർ ആർ ആർ ടിക്കറ്റുകൾ നേരത്തെ തന്നെ വിറ്റു തീർന്നു. അതേസമയം, ആർ ആർ ആർ ടിക്കറ്റിന്റെ വിലയാണ് ഇപ്പോൾ ചർച്ചയായിരിക്കുന്നത്. ഡൽഹി എൻ സി ആറിൽ 2100 രൂപയ്ക്കാണ് ഒരു ടിക്കറ്റ് വിൽക്കുന്നത്. സിനിമ റിലീസ് ചെയ്യുന്നതിന് ദിവസങ്ങൾക്ക് മുമ്പേ തന്നെ ടിക്കറ്റ് ബുക്കിംഗ് ആരംഭിച്ചു കഴിഞ്ഞിരുന്നു. മിക്ക തിയറ്ററുകളും ഹൗസ്ഫുൾ ആയി കഴിഞ്ഞു. ബുക്ക് മൈ ഷോ ആപ്പിലാണ് ഡൽഹി എൻ സി ആറിലെ ടിക്കറ്റിന് 2100 രൂപയാണെന്ന് കണ്ടെത്തിയത്. ത്രീഡി പ്ലാറ്റിനം സുപ്പീരിയർ ടിക്കറ്റിനാണ് ഒരു സീറ്റിന് 2100 രൂപ. അതേസമയം, ത്രീഡി പ്ലാറ്റിനം ടിക്കറ്റിന് 1900 രൂപയാണ് വില. ത്രീഡി റിക്ലൈനറിന് 1720 രൂപയും ത്രീഡി പ്രൈം, ത്രീഡി ക്ലാസിക് ടിക്കറ്റിന് 770 രൂപയുമാണ് വില.
കേരളത്തിൽ മാത്രം 500ൽപ്പരം സ്ക്രീനുകളിലാണ് ചിത്രം റിലീസ് ചെയ്യുന്നത്. ബാഹുബലി ഇറങ്ങി നാലു വർഷങ്ങൾ കഴിയുമ്പോഴാണ് സംവിധായകൻ എസ് എസ് രാജമൗലി തന്റെ അടുത്ത ചിത്രവുമായി എത്തുന്നത്. ലോകമെമ്പാടുമായി 10000 സ്ക്രീനുകളിലായാണ് ചിത്രം പ്രദർശനത്തിന് എത്തുന്നത്. സംസ്ഥാനത്ത് മാത്രം 500ൽ പരം സ്ക്രീനുകളിലാണ് ചിത്രം റിലീസ് ചെയ്യുന്നത്. കെ വി വിജയേന്ദ്ര പ്രസാദ് ആണ് ചിത്രത്തിന്റെ കഥ. തിരക്കഥ ഒരുക്കിയിരിക്കുന്നത് സംവിധായകൻ കൂടിയായ എസ് എസ് രാജമൗലി തന്നെയാണ്. ഇന്ത്യയിൽ ചിത്രീകരണം നടത്തിയതു കൂടാതെ ബൾഗേറിയ, ഉക്രയിൻ എന്നിങ്ങനെ വിവിധയിടങ്ങളിലായാണ് സിനിമയുടെ ചിത്രീകരണം പൂർത്തിയായത്. ചിത്രത്തിൽ 1920 കാലഘട്ടത്തിലെ കഥയാണ് പറയുന്നത്. അല്ലൂരി സീതരാമ രാജു, കോമരം ഭീം എന്നീ സ്വാതന്ത്ര്യ സമരസേനാനികളുടെ കഥയാണ് ആർ ആർ ആർ പറയുന്നത്. മൂന്ന് മണിക്കൂർ ആറ് മിനിറ്റാണ് ചിത്രത്തിന്റെ ദൈർഘ്യം.
കോമരം ഭീം ആയി ജൂനിയർ എൻ ടി ആറും അല്ലൂരി സീതാരാമരാജുവായി രാം ചരണും നടത്തുന്ന പ്രകടനങ്ങൾ ഇന്നുമുതൽ പ്രേക്ഷകർക്ക് സ്വന്തം. ആലിയ ഭട്ട്, അജയ് ദേവ്ഗൺ, സമുദ്രക്കനി, ശ്രിയ ശരൺ, അലിസൺ ഡൂഡി, റേ സ്റ്റീവൻസൺ, രാഹുൽ രാമകൃഷ്ണൻ, സ്പന്ദൻ ചതുർവേദി, ഒലിവിയ മോറിസ് എന്നിവരാണ് ചിത്രത്തിലെ മറ്റ് പ്രധാന അഭിനേതാക്കൾ. ചിത്രത്തിന്റെ പശ്ചാത്തലസംഗീതം ഒരുക്കിയിരിക്കുന്നത് എം എം കീരവാണിയാണ്. ഛായാഗ്രഹണം കെ കെ സെന്തിൽ കുമാറും എഡിറ്റിംഗ് ശ്രീകർ പ്രസാദുമാണ് നിർവഹിച്ചിരിക്കുന്നത്. ചിത്രത്തിന്റെ പ്രൊഡക്ഷൻ ഡിസൈൻ സാബു സിറിൽ ആണ്. ശ്രീനിവാസ് മോഹൻ ആണ് ചിത്രത്തിന്റെ വിഷ്വൽ ഇഫക്ട്സ് ഒരുക്കിയിരിക്കുന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…