‘ബുർഖ’ ധരിച്ച് തീയറ്ററിൽ തന്റെ സിനിമ കണ്ട് സായ് പല്ലവി; തിരിച്ചറിയാതെ ആരാധകർ; വീഡിയോ

സിനിമ പശ്ചാത്തലം ഇല്ലാതെ അൽഫോൺസ് പുത്രൻ സംവിധാനം ചെയ്ത പ്രേമം എന്ന ഒറ്റ ചിത്രത്തിലൂടെ മലയാളി പ്രേക്ഷകരുടെ മനസ്സിൽ ഇടം നേടി ഇപ്പോൾ തെന്നിന്ത്യൻ സിനിമയുടെ സ്ഥിര മുഖമായി മാറുകയും ചെയ്ത നടിയാണ് സായി പല്ലവി. ഒരു നടി ഇങ്ങനെ ആയിരിക്കണം എന്ന പ്രേക്ഷകരുടെ മുൻധാരണകൾ എല്ലാം തിരുത്തി എഴുതിയ താരമാണ് സായിപല്ലവി.

ഇപ്പോൾ സോഷ്യൽ മീഡിയ കീഴടക്കുന്നത് സായ് പല്ലവിയുടെ ഒരു വീഡിയോയാണ്. തന്റെ പുതിയ ചിത്രമായ ശ്യാം സിംഗ റോയ് കാണുവാൻ തീയറ്ററിൽ ബുർഖ ധരിച്ചാണ് സായ് പല്ലവി എത്തിയത്. ഹൈദരാബാദിലുള്ള തീയറ്ററിലാണ് താരം എത്തിയത്. ബുർഖ ധരിച്ചിരുന്നതിനാൽ ആർക്കും അവരുടെ പ്രിയ നായികയെ തിരിച്ചറിയുവാൻ സാധിച്ചില്ല.

പ്രേക്ഷകരുടെ പ്രതികരണം നേരിട്ട് അനുഭവിച്ചറിയുവാനാണ് സായ് പല്ലവി നേരിട്ട് തീയറ്ററിൽ എത്തുകയും പ്രേക്ഷകർക്കൊപ്പം തന്നെ ഇരുന്ന് സിനിമ കണ്ടത്. തെലുങ്ക് സൂപ്പർ താരം നാനി (നായകനായി എത്തുന്ന ശ്യാം സിംഗ റോയിയിൽ സായി പല്ലവി, കൃതി ഷെട്ടി, മഡോണ സെബാസ്റ്റ്യൻ എന്നിവരാണ് നായികമാർ. രാഹുൽ സംകൃത്യൻ സംവിധാനം ചെയ്ത ചിത്രം നിഹാരിക എന്റർടൈൻമെന്റ്സിന്റെ ബാനറിൽ വെങ്കട്ട് ബോയ്നപ്പള്ളിയാണ് നിർമ്മാണം. ജങ്ക സത്യദേവ് ആണ് രചന നിർവ്വഹിച്ചിരിക്കുന്നത്.

രാഹുൽ രവീന്ദ്രൻ, മുരളി ശർമ്മ, അഭിനവ് ഗോമതം, ജിഷു സെൻ ഗുപ്‍ത, ലീലാ സാംസൺ, മനീഷ് വാദ്വ, ബരുൺ ചന്ദ എന്നിവരാണ് മറ്റു അഭിനേതാക്കൾ. നൃത്ത സംയോജനം: കൃതി മഹേഷ്‌, യാഷ്. പി ആർ ഒ: വംശി ശേഖർ, പി ശിവപ്രസാദ്. തെലുങ്ക് ഭാഷയില്‍ നിര്‍മിച്ച ചിത്രം മലയാളത്തിലടക്കം മൊഴിമാറ്റിയും എത്തിയിരുന്നു.