സൈജു കുറുപ്പ് സെഞ്ച്വറിയിലേക്ക്, പിറന്നാൾ സമ്മാനവുമായി ദുല്‍ഖര്‍

വളരെ വ്യത്യസ്തമായ ചെറുതും വലുതുമായ  കഥാപാത്രങ്ങളിലൂടെ മലയാളികളുടെ മനസ്സിൽ സ്ഥാനം നേടിയ  താരമാണ് സൈജു കുറുപ്പും. അതെ പോലെ കോമഡിയും വില്ലൻ കഥാപാത്രവുമെല്ലാം താരത്തിന് വഴങ്ങുമെന്ന് ഇതിനോടകം തെളി‌യിച്ചു. ഇപ്പോളിതാ  താരത്തിന്റെ പിറന്നാള്‍ ദിനത്തില്‍ ഒരു വമ്പൻ  പ്രഖ്യാപനം എത്തിയിരിക്കുകയാണ് . സൈജു കുറുപ്പ് ടൈറ്റില്‍ റോളിലെത്തുന്ന ഉപചാരപൂര്‍വം ​ഗുണ്ടജയന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങിയിരിക്കുകയാണ്.

താരത്തിന്റെ അഭിനയ ജീവിതത്തിലെ  നൂറാമത്തെ ചിത്രമാണിത്. മലയാളത്തിൻെറ യുവ താരം ദുല്‍ഖര്‍ സല്‍മാനാണ് ​ഗുണ്ട ജയനെ ആരാധകര്‍ക്കായി പരിചയപ്പെടുത്തിയത്. കട്ടത്താടിയും മീശയുമായി കലിപ്പു ലുക്കിലാണ് സൈജു കുറിപ്പ് എത്തുന്നത്. അരുണ്‍ വൈഗയാണ് ചിത്രത്തിന് കഥ എഴുതി സംവിധാനം ചെയ്യുന്നത് വേഫെയര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനും മൈ ഡ്രീംസ് എന്റര്‍ടൈന്‍മെന്റിന്റെ ബാനറില്‍ സെബാബ് ആനികാടും ചേര്‍ന്നാണ് ചിത്രം നിര്‍മ്മിക്കുന്നത്.