അന്ന് ഞങ്ങള്‍ തമ്മില്‍ അടുപ്പമില്ലായിരുന്നു, ഇപ്പോള്‍ എല്ലാം ബിന്ദുവാണ് !!! മനസ് തുറന്ന് സായ്കുമാര്‍

മലയാള സിനിമയില്‍ ഒട്ടേറെ നല്ല കഥാപാത്രങ്ങള്‍ ചെയ്ത് പ്രേക്ഷകരുടെ ഇഷ്ടം പിടിച്ചുപറ്റിയ താരദമ്പതികളാണ് സായ്കുമാറും ബിന്ദു പണിക്കരും. ഇരുവരും വ്യക്തിജീവിതത്തെക്കുറിച്ച് അധികമൊന്നും തുറന്നു പറയാന്‍ ഇഷ്ടപ്പെടാത്തവര്‍ ആണ്. പക്ഷെ ദീര്‍ഘനാളുകള്‍ക്ക് ശേഷം സിനിമയിലേക്ക് മടങ്ങിയെത്തിയതും ബിന്ദുവും മകളുമൊത്തുള്ള സന്തോഷജീവിതത്തെ ക്കുറിച്ചുമെല്ലാം താരം വനിതയ്ക്ക് നല്‍കിയ അഭിമുഖത്തില്‍ മനസ് തുറക്കുകയാണ്.

അടുത്ത ഒരു വിവാഹം എന്ന ചിന്ത മനസിലേക്ക് വന്നപ്പോള്‍ പലരും പല സ്ത്രീകളുടേയും പേരുകള്‍ പറഞ്ഞിരുന്നു. പക്ഷെ അതില്‍ എനിക്ക് പ്രിയപ്പെട്ടതെന്ന് തോന്നിയത് ബിന്ദുവിന്റെ പേരായിരുന്നു. സിനിമയില്‍ ഇരുവരും അഭിനയച്ചിരുന്ന കാലത്തൊന്നും സത്യത്തില്‍ എനിക്കന്ന് ബിന്ദുവുമായി അത്ര അടുപ്പം പോലും ഇല്ല ബിന്ദുവിന്റെ ഭര്‍ത്താവ്, അസിസ്റ്റന്റ് ഡയറക്ടര്‍ ആയിരുന്ന ബിജുവിനോടായിരുന്നു തനിക്ക് ഏറ്റവും കൂടുതല്‍ അടുപ്പം, സായികുമാര്‍ പറയുന്നു. മകള്‍ അരുന്ധതിയെ കല്ലു എന്നാണ് വിളിക്കുന്നത്. അഭിമുഖത്തില്‍ മകളും ഇരുവരുടേയും ഒപ്പം ഉണ്ടായിരുന്നു. ടിക്‌ടേക്കിലൂടെയും ഡാന്‌സ് വീഡിയോകളിലൂടെയും അരുന്ധതി പ്രേക്ഷകര്‍ക്ക് സുപരിചിതയാണ്. പൃഥ്വിരാജ് സംവിധാനം ചെയ്ത ലൂസിഫറിലൂടെ സായ്കുമാര്‍ ശക്തമായ തിരിച്ചുവരവ് നടത്തിയിരുന്നു. ഷൂട്ടിങ് നടക്കുന്ന സമയത്ത് തന്റെ കാലിന് ചെറിയ പ്രശ്‌നമുണ്ടായിരുന്നുവെന്നും അതുകൊണ്ട് പൃഥ്വി ആ കാരക്ടറിനെ മാറ്റി എഴുതുകയുമാണ് ഉണ്ടായിരുന്നതെന്ന് സായികുമാര്‍ പറഞ്ഞു.